Te Tusi a Mataio
1 Tenei te tusi o te tala fakasolopito* o Iesu Keliso,* te tama a Tavita,+ te tama a Apelaamo:+
2 Apelaamo ko te tamana o Isaako;+
Isaako ko te tamana o Iakopo;+
Iakopo ko te tamana o Iuta+ mo ana taina;
3 Iuta ko te tamana o Falesa mo Tila+ i a Tamala;
Falesa ko te tamana o Eselona;+
Eselona ko te tamana o Alama;+
4 Alama ko te tamana o Aminatapu;
Aminatapu ko te tamana o Nasona;+
Nasona ko te tamana o Salemona;
5 Salemona ko te tamana o Poasa i a Lahapa;+
Poasa ko te tamana o Opeta i a Luta;+
Opeta ko te tamana o Iese;+
6 Iese ko te tamana o te tupu ko Tavita.+
A Tavita ko te tamana o Solomona+ i te avaga a Ulia;
7 Solomona ko te tamana o Leopoamo;+
Leopoamo ko te tamana o Avia;
Avia ko te tamana o Asa;+
8 Asa ko te tamana o Iosefatu;+
Iosefatu ko te tamana o Iolama;+
Iolama ko te tamana o Usia;
9 Usia ko te tamana o Iotama;+
Iotama ko te tamana o Aasa;+
Aasa ko te tamana o Hesekia;+
10 Hesekia ko te tamana o Manase;+
Manase ko te tamana o Amone;+
Amone ko te tamana o Iosia;+
11 Iosia+ ko te tamana o Iekonia+ mo ana taina i te taimi ne ave fakapagota ei a tino Isalaelu ki Papelonia.+
12 Mai tua o te avega fakapagota ki Papelonia, a Iekonia ko te tamana o Salatielu;
Salatielu ko te tamana o Selupapelu;+
13 Selupapelu ko te tamana o Apiuta;
Apiuta ko te tamana o Eliakimo;
Eliakimo ko te tamana o Asola;
14 Asola ko te tamana o Satoka;
Satoka ko te tamana o Akeimo;
Akeimo ko te tamana o Eliuta;
15 Eliuta ko te tamana o Eleasalo;
Eleasalo ko te tamana o Matano;
Matano ko te tamana o Iakopo;
16 Iakopo ko te tamana o Iosefa te avaga a Malia, te mātua o Iesu+ telā e taku ko te Keliso.+
17 Tela la, e 14 a kautama katoa mai i a Apelaamo ki a Tavita; mai i a Tavita ki te avega fakapagota ki Papelonia e 14 a kautama; mai te avega fakapagota ki Papelonia ke oko ki te Keliso e 14 a kautama.
18 Kae tenei te auala ne fanau mai ei a Iesu Keliso. I te taimi ne ‵sai feagaiga ei a tena mātua ko Malia ke avaga ki a Iosefa, ne iloa aka i a ia ko faitama i te agaga tapu*+ kae koi tuai lāua o avaga. 19 Kae ona ko tena avaga* ko Iosefa, se tino amiotonu kae ne seki manako ke masiasi a Malia i mata o tino, ne mafaufau aka tou tagata ke ‵tala lēmū te lā feagaiga.+ 20 I te otiga ne mafaufau a Iosefa ki mea konei, kiloke! ne fakasae atu a te agelu a Ieova* ki a ia i se moemiti, kae fai atu; “Iosefa te tama a Tavita, sa mataku o fai a Malia* mo fai tau avaga, i te mea ko faitama a ia i te agaga tapu.+ 21 Ka fanau mai ne ia se tamaliki tagata, kae ka fakaigoa ne koe a ia ki a Iesu,*+ me ka faka‵sao ne ia ana tino mai i olotou agasala.”+ 22 Ne ‵tupu a mea katoa konei ke fakataunu ei a muna a Ieova* kolā ne fai mai e auala i tena pelofeta, ana muna: 23 “Kiloke, ka faitama se tamafine, ka fanau ne ia se tamaliki tagata, kae ka fakaigoa ne latou a ia ki a Emanuelu,”+ ko tena uiga, “Ko Nofo i a Tatou te Atua.”+
24 Tela la, i te alaakaga a Iosefa, fai eiloa ne ia te fakatonuga a te agelu a Ieova* ki a ia, ave ei ne ia tena avaga ki tena fale. 25 Kae ne seki ‵moe fakatauavaga eiloa a lāua ke oko ki te taimi ne fanau ei ne Malia tena tama tagata,+ fakaigoa ei a ia ne Iosefa ki a Iesu.+