Te Tusi Muamua ki te Kau Kolinito

2 Tela la, i taku fanatuga ki a koutou, e taina, ne seki fanatu au ke ofo koutou i aku pati+ io me ko toku poto i te folafolaatuga o te mea ‵funa kae tapu+ a te Atua ki a koutou. 2 Me ne fakaiku aka ne au ke mo a ma iloa ne au se mea e uiga ki a koutou kae na ko Iesu Keliso fua telā ne tamate i te pou.+ 3 Kae ne fanatu au ki a koutou mo te vāivāi mo te mataku mo te lasi o te polepole; 4 kae ko aku pati mo te mea ne talai atu ne au, ne seki fai atu i toku poto i te faipati, kae ko te fakaasiatuga o te agaga mo te ‵mana o te Atua,+ 5 ko te mea ke se maua te otou fakatuanaki i te poto o tāgata, kae i te ‵mana o te Atua.

6 Nei la, ko fai‵pati tatou e uiga ki te poto ki tino kolā ko ma‵tua ‵lei,+ kae e se ko te poto o te olaga masani tenei io me ko pule o te olaga masani tenei kolā ka fakaseai.+ 7 Kae e fai‵pati eiloa tatou ki te poto o te Atua i loto i se mea ‵funa kae tapu,+ ko te poto ne ‵funa, telā ko leva ne fuafua ne te Atua mai mua o te olaga masani tenei mō te faka‵maluga o tatou. 8 Tenei te poto telā e seai se tino pule o te olaga masani tenei e iloa ne ia,+ moi fai ne iloa ne latou, penei e se tamate* ne latou a te Aliki ‵malu. 9 Kae e pelā eiloa mo pati i te tusi: “Ko mata e se ‵kite mo taliga e se ‵logo, e se maua foki i te loto o te tagata a mea kolā ne fakatoka ne te Atua mō latou kolā e a‵lofa ki a ia.”+ 10 Me ne fakaasi mai ne te Atua a mea konā ki a tatou+ e auala i tena agaga,+ me ko te agaga eiloa telā e iloilo ne ia a mea katoa, ke oko eiloa ki mea ‵loto a te Atua.+

11 Me ko oi te tino mai tāgata katoa e iloa ne ia a manatu o te suā tagata kae na ko te agaga fua telā i tena loto? E penā foki eiloa, e seai se tino e iloa ne ia a mea e uiga ki te Atua, kae na ko te agaga fua o te Atua. 12 Nei la, ko maua ne tatou te agaga mai te Atua,+ kae e se ko te agaga o te lalolagi, ko te mea ke mafai o iloa ne tatou a mea kolā ko oti ne tuku mai ne te Atua mo te atafai ki a tatou. 13 Konei foki a mea e fai‵pati atu ne tatou, e se i pati kolā e akoako mai ne poto o tāgata,+ kae ko mea kolā e akoako mai ne te agaga,+ i te taimi e fakamatala atu ei ne tatou a mea faka-te-agaga i pati faka-te-agaga.

14 Kae ko te tagata faka-te-foitino e se talia ne ia a mea a te agaga o te Atua, me ne mea va‵lea fua ki a ia; kae e se mafai o iloa ne ia a mea konā, me e iloilo aka a mea konā i te feitu faka-te-agaga. 15 Kae ko te tagata faka-te-agaga e iloilo ne ia a mea katoa,+ kae e seai se tagata e iloilo ne ia a ia. 16 Me “ko oi e iloa ne ia te mafaufau o Ieova, ko te mea ke fakatonu ne ia a ia?”+ Kae ko maua ne tatou a te mafaufau o Keliso.+