29 Ne fakaigoa ne ia ki a Noa,*+ ana muna: “Ka aumai ne te tino tenei ki a tatou a te fakamafanafanaga* mai ‵tou galuega mo te logo‵mae e maua ne tatou i ‵tou galuega ‵mafa, me ko oti ne fakamalaia ne Ieova a te laukele.”+

51 Ne fakaigoa ne Iosefa tena toekimua ki a Manase,*+ me ne fai mai a ia, “Ko oti ne fai ne te Atua ke puli i a au oku fakalavelave katoa e pelā foki mo te kāiga katoa o toku tamana.”

21 Mai tua ifo i ei, ne talia ne Mose ke nofo a ia i te tagata tenā, kae ne tuku atu ne te tagata tenā a tena tama fafine ko Sepola+ ke avaga mo Mose. 22 Fakamuli loa, ne fanau ne tou fafine se tamaliki tagata kae ne fakaigoa ne Mose ki a Kelesoma,+ me ne fai mai a ia: “Ko fai au e pelā me se tino fakaa‵tea i se fenua fakaa‵tea.”+

21 Ka fanau mai ne ia se tamaliki tagata, kae ka fakaigoa ne koe a ia ki a Iesu,*+ me ka faka‵sao ne ia ana tino mai i olotou agasala.”+