14 Ne olo atu a seakelise ki luga i te fenua kātoa o Aikupito kae ‵nofo i luga i ei.+ Ne masei ‵ki eiloa te tulaga tenā;+ ne seki uke eiloa penei a seakelise, kae ka se toe uke eiloa penā fakamuli. 15 Ne ufi ne latou te fenua kātoa, kae ne pouli te fenua ona ko manu konā; ne kai ne latou a lakau katoa i luga i te fenua mo fuagalakau katoa i luga i lakau kolā ne ‵toe mai i te vaiua fatu; e seai eiloa se lau o se lakau e tasi ne ‵toe, ke oko foki eiloa ki lakau o te vao i te fenua kātoa o Aikupito.