34 Kae ne fai atu a Pasilai ki te tupu: “E toe fia nei a aso* o toku olaga koi ‵toe ke fanatu au o olo mo te tupu ki Ielusalema? 35 Au ko 80 oku tausaga i te aso nei.+ E mata, e mafai o iloa ne au te mea ‵lei mo te mea masei? E mata, e mafai ne au, tau tavini, o tami aku meakai mo meainu? E mata, koi mafai ne au o fakalogo ki leo o tāgata mo fāfine usuusu?+ Tela la, kaia fua la e fai ei tau tavini mo fai se amoga fakaopoopo ki toku aliki te tupu?