26 E tokofa a takitaki tausi mataloa ne tuku atu ki ei a te tiute tenei ona ko te lotou fakamaoni. A latou ne tino Levi, kae ne pule atu latou ki potu* mo koga ‵teu koloa o te fale o te Atua tonu.+ 27 E ‵nofo sāle latou i te po kātoa i olotou koga ga‵lue i feitu katoa o te fale o te Atua tonu, me onoono eiloa latou ki te galuega tenā kae e pule latou i te kī kae ‵tala faeloa ne latou a te fale i tafataeao katoa.