7 Ne kalaga atu te tupu i se leo maluga ke ‵kami mai ana tino faivailakau, tino Kaletaia* mo tino iloilo fetū.+ Ne fai atu te tupu ki tāgata ‵poto o Papelonia: “So se tagata e mafai ne ia o faitau a tusitusiga konei kae fakamatala mai tena uiga ki a au ka fakapei ki gatu violeta, ka fakasafe atu se malele aulo ki tena ua,+ kae ka fai a ia mo fai te tokotolu o pule i te malo.”+

16 Kae ne logo au e uiga ki a koe me ne mafai ne koe o fakamatala+ mai a uiga o mea faiga‵ta. Nei la, kafai e mafai ne koe o faitau a tusitusiga konei kae fakamatala mai tena uiga ki a au, ka fakapei koe ki gatu violeta, ka fakasafe atu se malele aulo ki tou ua, kae ka fai koe mo fai te tokotolu o pule i te malo.”+