7 Mai tua o fai‵patiga e uke, ne tu aka a Petelu kae fai atu ki a latou “Taina, e iloa ‵lei ne koutou i aso ko ‵teka me ne filifili au ne te Atua mai i a koutou ke folafola atu a te tala ‵lei, e auala i toku gutu, ki tino o fenua fakaa‵tea, ko te mea ke lagona kae ke tali‵tonu foki latou.+ 8 Kae ko te Atua telā e lavea ne ia a te loto,+ ne molimau mai e auala i te tukuatuga ki a latou a te agaga tapu,+ e pelā mo te mea ne fai foki ne ia ki a tatou. 9 Kae ne seki faka‵kese ne ia a tatou mo latou,+ kae ne faka‵ma ne ia olotou loto i te fakatuanaki.+

28 E se toe ai se tino Iutaia io me se tino Eleni,+ e se toe ai se pologa io me se tino saoloto,+ e seai foki se tagata io me se fafine,+ me i a koutou ko tasi katoa i te ‵kau fakatasi mo Keliso Iesu.+