Ielemia
51 Konei a pati a Ieova ne fai mai:
“Ka fakatu aka nei ne au se matagi fakamasei mea
2 Ka uga atu ne au ne tāgata faka‵ma saito ki Papelonia,
Kae ka faka‵ma ne latou a ia kae fai ke seai ne mea i tena fenua;
Ka o‵mai latou o taua atu ki a ia mai feitu katoa i te aso o te puapuaga.+
3 A te tino sana matasana ke mo a eiloa e ofe tena kausana.
Kae ke seai eiloa se tino e tu aka mo tena gatu tau.
Ke mo a ma fakaasi atu te alofa atafai ki ana tamataene.+
Fakaseai atu katoa a tena kautau.
4 Kae ka ‵siga latou kae ‵mate i te fenua o tino Kaletaia,
E pa‵kia malosi i ana auala.+
5 Me i a Ieova o kautau ne seki tiaki ne ia a Isalaelu mo Iuta, ne seki fai lāua e pelā me ne fāfine kolā ko ‵mate lā avaga.+
Kae ko te lotou fenua* ko ‵fonu i agasala mai i te kilokiloga a te Atua Tapu o Isalaelu.
6 Tele kea‵tea mai Papelonia,
Kae tele ke sao tou ola.+
Ke mo a koe ma mate ona ko tena mea ‵se.
Me ko oko ki te taimi o te taui ma sui a Ieova.
Ka toe ‵togi atu ne ia ki tou fafine e ‵tusa mo ana mea ne fai.+
7 A Papelonia se ipu aulo i te lima o Ieova;
Ne fai ne ia a te lalolagi kātoa ke ko‵nā.
8 Ko pakū a Papelonia i se auala fakapoi kae ko fatifati valevale.+
‵Tagi fanoanoa ona ko ia!+
Aumai a sinu pasama mō ana mea ‵mae; e se taumate e mafai o ‵lei a ia i ei.”
9 “Ne taumafai matou o faka‵lei a Papelonia, kae e se mafai o faka‵lei a ia.
Tiaki atu tou fafine kae ke na olo tatou, ko tino taki tokotasi ki olotou fenua.+
Me i tena fakamasinoga ko oko atu ki te lagi;
Ko maluga eiloa e pelā mo kaumana.+
10 A Ieova ko oti ne aumai ne ia te fakamasinoga tonu mō tatou.+
O‵mai, ke takutaku atu ne tatou i Siona te galuega a Ieova te ‵tou Atua.”+
11 “Fakamata a matasana;+ puke a talita pukupuku.
Ko oti ne fakaoso ne Ieova a loto o tupu o Metai,+
Me e manako a ia o fakamasei a Papelonia.
Me tenei te taui ma sui a Ieova, te taui ma sui mō tena faletapu.
12 Sisi aka se fakailoga+ e ‵teke atu ei ki ‵pui o Papelonia.
Fakamalosi te leoleo, fakatu se tagata leoleo.
Fakatoka latou kolā e ‵muni o taua fakapoi atu.
Me ko oti ne fai ne Ieova se aofaga,
Kae ka fakataunu ne ia te mea ne tauto a ia ki ei ke taua atu ki tino e ‵nofo i Papelonia.”+
Ko oko mai tou gataga, te tapula ki te faiga o au koloa.+
14 A Ieova o kautau ko oti ne tauto ki a ia eiloa,
‘Ka faka‵fonu ne au koe ki tāgata, e pelā eiloa mo te uke o seakelise,
Kae ka ka‵laga latou mo te manumalo ona ko koe.’+
15 Ko ia te Atua telā ne faite ne ia te lalolagi e auala i tena ‵mana,
Ko te Atua telā ne faka‵mautakitaki ne ia te laukele ola ‵lei e auala i tena poto+
Kae ne ‵fola ne ia te lagi e auala i tena malamalama.+
16 Kafai e fai ne ia ke lagona atu tena leo,
E ‵numi valevale a vai o te lagi,
Kae fai ne ia ke olo aka a kaumana ki luga mai i koga ‵mao o te lalolagi.
E fai ne ia a te uila mō te vaiua,
Kae e aumai ne ia te matagi ki tua mo ana fale ‵teu koloa.+
17 E fai ne tāgata taki tokotasi a mea va‵lea e aunoa mo te iloa.
A tino faite mea ki fiti katoa ka fakamasiasigina ona ko olotou tupua faite;+
Me i olotou tupua fiti ne mea ‵loi,
18 A mea konā ne mea sē ‵tonu,+ ne galuega e seai ne aoga.
Kafai ko oko mai te aso o te lotou fakamasinoga, ka ‵galo atu eiloa latou.
19 E ‵kese eiloa a te Atua o Iakopo mo mea konei,
Me i a ia ko te Atua telā ne faite ne ia a mea katoa,
Ke oko eiloa ki te tokotoko o tena tofi.+
A tena igoa ko Ieova o kautau.”+
20 “A koe ko taku pago o te taua, se meatau mō te taua,
Me ka tuki ne au a atufenua e auala i a koe.
Ka fakamasei ne au a malo e auala i a koe.
21 Ka tuki ne au te solofanua mo tena tino fakatele e auala i a koe.
Ka tuki ne au te kaliota tau mo tena tino fakatele e auala i a koe.
22 Ka tuki ne au te tagata mo te fafine e auala i a koe.
Ka tuki ne au te toeaina mo te tamaliki tagata e auala i a koe.
Ka tuki ne au te tamataene mo te tamafine e auala i a koe.
23 Ka tuki ne au te tausi mamoe mo tena lafu e auala i a koe.
Ka tuki ne au te tino tausi manu mo ana manu e auala i a koe.
Ka tuki ne au a kovana mo ana sui pule e auala i a koe.
24 Kae ka toe taui atu ne au ki Papelonia mo tino katoa e ‵nofo i Kaletaia
Ona ko mea ma‵sei katoa ne fai ne latou i Siona i mua o koe,”+ ko te folafolaga a Ieova.
25 “Au ko ‵teke atu nei ki a koe,+ e te mauga fakamasei mea,” ko te folafolaga a Ieova,
“A koe e te tino fakamasei mea o te lalolagi kātoa.+
Ka ‵fola atu toku lima o ‵teke atu ki a koe kae fakateka ifo koe mai i kaupapa
Kae fai koe e pelā me se mauga ‵ka.”
26 “Ka se puke ne tino mai i a koe se fatu tulimanu io me se fatu o te fakavae,
Me i a koe ka fakamasei ki te se-gata-mai,”+ ko te folafolaga a Ieova.
27 “Fakatu aka se fakailoga i te fenua.+
Fakatagi se pu mai i atufenua.
‵Tofi* aka ne atufenua ke taua atu ki a ia.
‵Kami mai a malo o Alalata,+ Mini mo Asekenasa+ ke taua atu ki a ia.
‵Tofi aka se ofisa o te kautau ke taua atu ki a ia.
Fai ke ‵tele aka a solofanua e pelā me se mumuga seakelise.
28 ‵Tofi* aka a atufenua ke taua atu ki a ia,
Ko tupu o Metai,+ ana kovana mo ana sui pule katoa
Mo fenua katoa e pule atu latou ki ei.
29 Kae ka galulu te lalolagi kae polepole,
Me ka fakataunu eiloa a mafaufauga o Ieova ke taua atu ki Papelonia
Ke fai te fenua o Papelonia e pelā me se mea fakamataku, e aunoa mo se tino e nofo i ei.+
30 A toa ‵mafi o Papelonia ko se taua atu.
E saga‵saga latou i olotou ‵pui ma‵losi.
A te lotou malosi ko seai.+
A latou ko fai pelā me ne fāfine.+
Ana fale ko oti ne ‵sunu ki te afi.
Ana lakau faka‵lava ko oti ne fatifati.+
31 E tokotasi te tino ave tala e tele o fakafetaui ki te suā tino ave tala,
Kae ko te avefekau e tokotasi e fakafetaui atu ki te suā avefekau,
Ke lipoti atu ki te tupu o Papelonia me i tena fakai ko oti ne puke mai i feitu katoa,+
32 Me i asaga ko oti ne puke,+
A vaka kome ko oti ne ‵sunu ki te afi,
Kae ko sotia ko pole‵pole i te ma‵taku.”
33 Me konei a pati a Ieova o kautau, te Atua o Isalaelu ne fai mai:
“A te tama fafine o Papelonia e fai pelā me se koga tuki saito.
Ko oko nei ki te taimi ke lakalaka a ia ki lalo.
Ko pili fua o oko mai te taimi o te ‵katiga o fuataga mō ia.”
Ne fai ne ia au e pelā me se ipu masa.
Ne folo ne ia au e pelā me se gata lasi;+
Ne faka‵fonu ne ia tena tinae ki aku mea ‵lei.
Ne faka‵ma ne ia au kea‵tea.
35 ‘Ke na oko atu ki luga i Papelonia a fakasauaga ne fai ki a au mo toku foitino!’ ko muna a te tino e nofo i Siona.+
‘Kae ko toku toto ke na oko atu ki luga i tino e ‵nofo i Kaletaia!’ ko muna a Ielusalema.”
36 Tela la, konei a pati a Ieova ne fai mai:
Ka faka‵masa ne au ana tai kae fai ana vaikeli ke ‵masa.+
37 Kae ko Papelonia ka fai pelā me se fakaputuga fatu,+
Se koga ‵muni o manu ko tiakolo,+
Se mea fakamataku kae se mea fakatauemu,*
E aunoa mo se tino e nofo i ei.+
38 Ka ‵gulu fakatasi latou e pelā me ne tamā leona.
Ka ‵tagi latou e pelā me ne leona fo‵liki.”
39 “Kafai ko ma‵losi olotou lagonaga, ka fai ne au te lotou ‵kaiga fiafia kae fai latou ke ko‵nā,
Ko te mea ke fia‵fia latou;+
Kae ka ‵moe latou i te moe ki te se-gata-mai,
Telā ka se toe ala aka ei latou,”+ ko te folafolaga a Ieova.
40 “Ka aumai ne au latou ki lalo e pelā me ne tamā mamoe ko ave o tamate,
E pelā me ne mamoe fakatasi mo kouti.”
A Papelonia ko fai pelā me se mea fakamataku ki atufenua katoa!
42 A te tai ko fanaka ki luga i Papelonia.
Ko oti ne ufi a ia e auala i ana galu e uke.
43 Ana fakai ko oti ne fai pelā me ne mea fakama‵taku, se fenua e seai ne vai i ei kae se toafa.
Se fenua telā ka se toe nofo se tino i ei kae seai se tagata e toe ui atu i ei.+
44 Au ka saga atu ki Pele+ i Papelonia,
Kae ka tapale ne au ki tua mo tena gutu a te mea ne folo ne ia.+
Ka se toe ai ne atufenua e ualolo atu ki a ia,
Kae ko ‵pui o Papelonia ka maofa.+
45 Olo kea‵tea mai i a ia, e oku tino!+
‵Tele ke ‵sao otou ola+ mai te kaitaua o Ieova telā e ‵ka pelā me se afi!+
46 Ke mo a ma loto vāivāi io me ma‵taku e uiga ki lipoti e lagona atu i te fenua.
Ka oko mai te lipoti i te tausaga e tasi,
Kae i te suā tausaga ko te suā lipoti,
E uiga ki te fakasauaga i te fenua mo tino pule e taua atu ki nisi tino pule.
47 Tela la, kiloke! ka oko mai a aso
Kae ka saga atu au ki tupua faite o Papelonia.
Ana fenua katoa ka fakamasiasigina,
Kae ko ana tino katoa ne ‵ta ka pa‵kū i loto i ei.+
48 A te lagi mo te lalolagi mo mea katoa i loto i ei
Ka ka‵laga mo te fia‵fia ona ko Papelonia,+
Me i tino fakamasei mea ka o‵mai ki tou fafine mai i te feitu ki mātū,”+ ko te folafolaga a Ieova.
49 “E se gata fua i te māfua mai i Papelonia a te pa‵kū o tino Isalaelu kolā ne ‵ta+
Kae ne pa‵kū foki eiloa i Papelonia a tino o te lalolagi kolā ne ‵ta.
50 A koutou kolā ne ‵sao i te pelu, olo atu eiloa, sa ‵tu!+
Ke masaua a Ieova mai i se koga ‵mao,
Kae ke masaua a Ielusalema i otou loto.”+
51 “A matou ko oti ne fakamasiasigina, me ne ‵logo matou i pati fakaitaita.
A te masiasi ko pulou i omotou mata,
Me i tino fakaa‵tea ko o‵mai o taua ki koga tapu o te fale o Ieova.”+
52 “Tela la, kiloke! ka oko mai a aso,” ko te folafolaga a Ieova,
“Ka saga atu ei au ki ana tupua faite,
Kae i loto i tena fenua kātoa ka ‵tagi fi‵ta i ei a tino ne pa‵kia.”+
53 “Kafai foki loa e avaka a Papelonia ki te lagi,+
Kafai foki loa e fakama‵losi aka ana taoa ma‵luga,
Ka olo atu mai i a au ana tino fakamasei mea,”+ ko te folafolaga a Ieova.
54 “Kiloke! E isi se kalaga mai i Papelonia,+
Ko te leo o te fakamaseiga lasi mai i te fenua o tino Kaletaia,+
55 Me i a Ieova ko fakamasei ne ia a Papelonia,
Ka fakafilemu ne ia tena leo lasi,
Kae ko olotou galu ka ‵gulu e pelā me ne vai e uke.
Ka lagona atu eiloa a olotou leo.
56 Me i te tino fakamasei mea ka oko mai ki Papelonia;+
Ana toa ‵mafi ka puke,+
Olotou kausana ka fatifati,
Me i a Ieova se Atua o te taui ma sui.+
Ka toe taui atu eiloa ne ia.+
57 Ka fai ne au ana pelenise mo tāgata ‵poto ke ko‵nā,+
Ko ana kovana mo ana sui pule mo ana toa ‵mafi,
Kae ka ‵moe latou i te moe ki te se-gata-mai,
Telā ka se toe ala aka ei latou,”+ ko te folafolaga a te Tupu, a tena igoa ko Ieova o kautau.
58 Konei a pati a Ieova o kautau ne fai mai:
“A ‵pui o Papelonia, faitalia te lauefa, ka ofa likiliki eiloa,+
Kae ko mataloa o ‵pui o te fakai, faitalia te ma‵luga, ka ‵sunu ki te afi.
A tino ka ga‵lue malosi mō te seai;
Ka fakafi‵ta ne atufenua a latou eiloa ko te mea fua ke tafu te afi.”+
59 Tenei te fekau telā ne tuku mai ne Ielemia te pelofeta e pelā me se fakatonuga ki a Selaia te tama tagata a Nelia+ te tama tagata a Masaia i te taimi ne olo ei a ia mo te tupu o Iuta ko Setekaia ki Papelonia i te fa o tausaga o tena pulega; a Selaia ko te tino e pule i mea a te tupu. 60 Ne tusi ne Ielemia i se tusi e tasi a puapuaga katoa kolā ka oko mai ki Papelonia, a pati katoa konei ne tusi e ‵teke atu ei ki Papelonia. 61 E se gata i ei, ne fai atu a Iele mia ki a Selaia: “Kafai e vau koe ki Papelonia kae lavea ne koe tou fafine, e ‵tau o faitau atu ne koe i se leo maluga a pati katoa konei. 62 Ko fai atu ei, ‘Ieova, a koe ne fai mai me ka fakamasei a te koga tenei kae tuku e aunoa mo se tino e nofo i ei, se tagata io me se manu, kae ka fakamasei eiloa a ia ki te se-gata-mai.’+ 63 Kae kafai ko oti ne faitau ne koe te tusi tenei, ‵sai se fatu ki ei kae ‵pei atu ki te kogaloto o te Eufilate. 64 Kae fai atu, ‘Tenei te auala ka goto ifo ei a Papelonia kae ka se toe sae aka ki luga+ ona ko te puapuaga telā ka fakaoko atu ne au ki luga i a ia; kae ka fi‵ta latou.’”+
Tenei eiloa te fakaotiga o pati a Ielemia.