Salamo
Ko te salamo a Tavita.
27 A Ieova ko toku mainaga+ mo toku fakaolataga.
Ko oi e ‵tau o mataku au ki ei?+
A Ieova ko te ‵pui malosi o toku ola.+
Ko oi e ‵tau o mataku au ki ei?
2 I te taimi ne taua mai ei a tāgata matagā ki a au kae fakamasei ne latou toku foitino,+
A oku fili mo tino kolā e ‵teke mai ki a au ko latou konā ne pa‵kū kae ‵siga.
3 E tiga eiloa e fai taua mai se kautau ki a au,
E se mataku eiloa toku loto.+
E tiga eiloa e taua mai ki a au,
E tumau eiloa toku loto talitonu.
4 E tasi te mea ne fakamolemole au ki a Ieova
—Ko te mea eiloa telā ka ‵sala au ki ei—
Ke nofo au i te fale o Ieova i aso katoa o toku olaga,+
Ke kilo atu ki te gali o Ieova
5 Me ka faka‵muni ne ia au i tena fale fakamalumalu i te aso o te puapuaga;+
Ka ‵funa ne ia au i se koga sē lavea i tena faleie;+
Ka tuku ne ia au i te koga maluga o te kaupapa.+
6 Nei la, a toku ulu ko maluga atu i oku fili kolā e ‵tu fakatamilo i a au;
Ka ofo atu ne au a taulaga i tena faleie fakatasi mo te kalaga fiafia;
Ka usu atu ne au a vikiga ki a Ieova.
8 I te faipatiga mō koe, ne fai mai toku loto:
“‵Sala ke maua ne koe oku mata.”
A ou mata, e Ieova, ka ‵sala ne au ke maua.+
9 Sa ‵funa ou mata mai i a au.+
Sa afuli kea‵tea ne koe tau tavini ona ko tou kaitaua.
A koe ko toku fesoasoani;+
Ke mo a ma fakapuli io me tiaki mai au, e toku Atua o te fakaolataga.
11 Akoako mai au ki tou auala, e Ieova,+
Takitaki mai au i te auala o te amiotonu ona ko oku fili.
12 Ke mo a ma avatu ne koe au ki oku fili,+
Me i molimau ‵pelo ko ‵tu aka o ‵teke mai ki a au,+
Kae fakamatakutaku ne latou au ki fakasauaga.
13 Tefea te koga ka nofo au i ei moi ne seai soku fakatuanaki
Ao, fakamoemoe ki a Ieova.