Iona
3 Tenā ne oko mai ei te fekau a Ieova ki a Iona i te lua o taimi, ana muna:+ 2 “Tu ki luga, fano ki Nineva+ te fakai lasi, kae folafola atu ki ei a te fekau tenei e fai atu ne au ki a koe.”
3 Tenā ne tu aka ei a Iona o fano ki Nineva+ mo te fakalogo ki te fekau a Ieova.+ A Nineva se fakai lasi ‵ki*—e tolu aso te ‵mao māfai e sasale i ei. 4 Tenā ne ulu atu ei a Iona ki te fakai, kae i te aso e tasi ne sasale ei a ia ne folafola atu a ia: “E toe 40 fua aso ka fakatakavale i ei a Nineva.”
5 Kae ko tāgata o Nineva ne fakatuanaki ki te Atua,+ kae ne folafola atu ne latou ke fai se fakaliki‵likiga kae ‵pei ki gatu lautaga, mai te ‵toe tino maluga ke oko eiloa ki te ‵toe tino malalo i a latou. 6 I te taimi ne oko atu ei te fekau ki te tupu o Nineva, ne tu aka a ia mai tena nofogaaliki kae tapale kea‵tea tena gatu fakatupu kae pei ki gatu lautaga kae sagasaga ki lalo i lefu. 7 E se gata i ei, ne fakatonu atu a ia ke fai se faka‵pulaga i loto i Nineva kātoa,
“Ona ko te fakatonuga a te tupu mo ana tino tāua: E seai se tagata, lafu manu io me se lafu mamoe, e ‵tau o kai ki so se mea. E se ‵tau mo latou o ‵kai, io me inu ki so se vai. 8 Fai ke ‵pei latou ki gatu lautaga, ko te tagata mo te manu; kae fai ke ka‵laga atu latou mo te loto naunau ki te Atua kae ‵fuli kea‵tea mai i olotou amioga matagā mo amioga fakasaua e fai ne latou. 9 Ko oi e iloa ne ia māfai ko toe mafaufau a te Atua ki te mea ne manako a ia o fai kae ‵fuli kea‵tea mai i tena kaitaua telā e ‵ka pelā me se afi, ko te mea ke se fakaseai atu tatou?”
10 I te laveaga ne te Atua tonu a te mea ne fai ne latou, mo te auala ne ‵fuli ei kea‵tea latou mai i olotou auala matagā,+ ne toe mafaufau ei a ia ki te fakalavelave telā ne fai a ia ke fakaoko atu ki luga i a latou, kae ne seki fakaoko atu ne ia.+