Salamo
Ko te pese a Tavita.
29 Tuku atu ki a Ieova a mea e ‵tau o tuku atu ki a ia, koutou e tama tāgata a tino ‵mafi,
Tuku atu ki a Ieova a mea e ‵tau o tuku atu ki a ia ona ko tena ‵malu mo tena malosi.+
2 Tuku atu ki a Ieova a te ‵malu e ‵tau o tuku atu ki tena igoa.
Ifo* ki a Ieova mo ou gatu ‵malu.*
3 E lagona atu a te leo o Ieova i luga i te vai;
A te Atua ‵malu e ‵gulu e pelā me se fa‵tili.+
A Ieova e tu i luga i vai e uke.+
4 A te leo o Ieova e malosi;+
A te leo o Ieova e tafasili i te gali.
5 A te leo o Ieova e fatifati ne ia a alasi;
Ao, e fatifati likiliki ne Ieova a alasi o Lepanona.+
6 E fai ne ia a Lepanona* ke evaeva e pelā me se tamā pulumakau,
Kae ko Siliona+ e pelā me se tamā pulumakau tagata o te vao.
7 A te leo o Ieova e fai ne ia ke ‵lapa a te uila.+
8 A te leo o Ieova e fai ne ia ke galulu a te koga lavaki;+
E fai ne Ieova a te koga lavaki o Katesa+ ke galulu.
9 A te leo o Ieova e fai ne ia a te tia ke polepole ko fanau ei
Kae ‵fulu faka‵ma a togavao.+
Kae ko tino katoa i loto i tena faletapu ka fai aka: “E ‵malu a te Atua!”
10 A Ieova e sagasaga i te nofogaaliki i luga i vai o lofiaga;*+
A Ieova e sagasaga i te nofogaaliki e pelā me se Tupu ki te se-gata-mai.+
11 Ka tuku atu ne Ieova a te malosi ki ana tino.+
Ka fakamanuia ne Ieova ana tino ki te filemu.+