Salamo
Masekila.* Ko te salamo a Etanu+ te tino Esela.
89 Ka usu atu au e uiga ki te fakaasimaiga o te alofa fakamaoni o Ieova ki te se-gata-mai.
Mai toku gutu ka fai ne au ke lauiloa tou fakamaoni ki kautama katoa.
2 Me ne fai aka au: “A te alofa fakamaoni ka tumau eiloa ki te se-gata-mai,+
Kae ko oti ne faka‵mautakitaki ne koe tou fakamaoni i te lagi.”
3 “Ko oti ne fai ne au se feagaiga mo taku tino filifilia;+
Ko oti au ne tauto ki a Tavita taku tavini:+
4 ‘Ka faka‵mautakitaki ne au tau tama*+ ki te se-gata-mai,
Kae ka faite ne au tou nofogaaliki mō kautama katoa.’”+ (Selā)
5 E tavae ne te lagi au mea fakaofoofogia, e Ieova,
Ao, ko tou fakamaoni i te fakapotopotoga o tino tapu.
6 Ko oi te tino i te lagi e mafai o fakatusa ki a Ieova?+
Ko oi mai i tama a te Atua+ e ‵pau mo Ieova?
7 A te Atua e fakaaloalogina i te maopoopoga* o tino tapu;+
E sili kae fakaofoofogia atu a ia i a latou katoa i ana tafa.+
8 Ieova te Atua o kautau,
Ko oi e mafi e pelā mo koe, e Ioa?+
A tou fakamaoni e fakatamilo i a koe.+
10 Ko oti ne tuki pala ne koe a Lahapa*+ e pelā me se tino ne tamate.+
E auala i tou lima malosi ne fakasalalau valevale ei ne koe ou fili.+
11 A te lagi i o koe, mo te lalolagi i o koe;+
A te laukele ola ‵lei mo mea i loto i ei+—ne fakavae katoa ne koe a mea konā.
12 A mātū mo saute—ne faite ne koe a mea konā;
A Tapola+ mo Helemoni+ ne ‵viki atu mo te fia‵fia ki tou igoa.
14 A te amiotonu mo te fakamasinoga tonu ko te fakavae o tou nofogaaliki;+
A te alofa fakamaoni mo te fakamaoni e ‵tu i ou mua.+
15 E fia‵fia a tino kolā e iloa ne latou te kalaga fiafia.+
Ieova, e sa‵sale latou i te mainaga o ou mata.
16 E fia‵fia latou ona ko tou igoa i te aso kātoa,
Kae ona ko tou amiotonu ko fakamaluga aka ei latou.
17 Me i a koe ko te lotou ‵malu mo te lotou malosi,+
Kae e auala i tau taliaga ko fakamaluga+ aka ei te motou malosi.*
18 Me i te motou talita i a Ieova,
Kae ko te ‵tou tupu i a te Atua Tapu o Isalaelu.+
19 I te taimi tenā, ne faipati koe i se fakaasiga ki ou tino fakamaoni kae fai atu:
“Ko oti ne tuku atu ne au te malosi ki se tino mafi;+
Ko oti ne fakamaluga aka ne au se tino filifilia mai i tino.+
21 Ka ‵lago malosi atu toku lima ki a ia,+
Kae ka fakamalosi ne toku lima a ia.
22 E seai se fili ka faimālō atu ki a ia ke avatu ne mea ki a ia,
Kae seai se tagata sē amiotonu ka fakasaua atu ki a ia.+
24 A toku fakamaoni mo te alofa fakamaoni konā i a ia,+
Kae e auala i toku igoa ka fakamaluga aka ei tena malosi.*
26 Ka kalaga mai a ia ki a au: ‘A koe ko toku Tamana,
Ko toku Atua telā ko te Kaupapa o toku fakaolataga.’+
28 Ka fakatumau ne au toku alofa fakamaoni ki a ia ki te se-gata-mai,+
Kae ko taku feagaiga mo ia ka se mafai o se taunu.+
29 Ka faka‵mautakitaki ne au tena tama* ki te se-gata-mai
Kae fai tena nofogaaliki ke tumau eiloa e pelā mo te lagi.+
30 Kafai e tiaki ne ana tama taku tulafono
Kae e se sa‵sale e ‵tusa mo aku fakatonuga,*
31 Kafai e soli ne latou aku tulafono fakavae
Kae e se tausi ki aku fakatonuga,
32 Tenā ka fakasala ei ne au te lotou sē faka‵logo* ki se tokotoko+
Kae ko te lotou mea ‵se ki te ‵kini.
33 Kae ka se tiaki eiloa ne au toku alofa fakamaoni ki a ia+
Io me loi au ki taku tautoga.
35 Ko oti au ne tauto katoatoa i toku tulaga ‵malu,
Ka se loi eiloa au ki a Tavita.+
37 E pelā mo te masina, ka tumau eiloa te mea tenā ki te se-gata-mai
E pelā me se molimau fakamaoni i te lagi.” (Selā)
38 Kae ko koe eiloa ne ‵pei kea‵tea kae ‵teke atu ki a ia;+
A koe ne kaitaua ki te tino ne faū ne koe.
39 Ne ‵teke ne koe te feagaiga a koe mo tau tavini;
Ne fakamasei ne koe tena kalauna mai te ‵pei atu ki te laukele.
40 Ko oti ne ofa ne koe ki lalo ana ‵pui fatu katoa;
Ne lepe ne koe ana ‵pui ma‵losi ke ma‵sei.
41 A latou katoa kolā e olo atu i ana tafa e kaisoa ne latou ana mea;
E fai a ia pelā me se mea fakatakalialia ki ana tuakoi.+
43 Ko oti foki ne afuli kea‵tea ne koe tena pelu,
Kae ko oti ne fai ne koe a ia ke takavale i te taua.
44 Ko oti ne fakagata ne koe tena ‵malu
Kae ‵pei tena nofogaaliki ki te laukele.
45 Ne ‵kati ne koe a aso o tena talavou ke toe‵toe;
Ne fakapei ne koe a ia ki te masiasi. (Selā)
46 E pefea te leva, e Ieova, ka ‵muni ei koe? E a, ka fai penā ki te se-gata-mai?+
E a, ka tumau eiloa a tou kaitaua i te ‵ka e pelā me se afi?
47 Masaua a te toetoe o toku ola!+
E a, ne faite fua ne koe a tino katoa e aunoa mo se pogai?
48 Ko oi te tagata e mafai o ola kae e se mafai o lavea ne ia te mate?+
E a, e mafai ne ia o fakaola a ia mai te malosi o te Tanuga?* (Selā)
49 Kofea au faifaiga mua o te alofa fakamaoni, e Ieova,
Telā ne tauto koe ki a Tavita i tou fakamaoni?+
50 Ke masaua, e Ieova, a fakamaseiga ne fai ki au tavini;
Te auala ne fa‵ki* ei ne au a fakamaseiga a tino katoa;
51 Te auala ne fakatauemu mai ei ou fili, e Ieova;
Te auala ne fakatauemu ne latou a kalafaga katoa o te tino ne faū ne koe.
52 Ke vikia eiloa a Ieova ki te se-gata-mai. Amene kae Amene.+