Salamo
Ki te takitaki o te kau fai pese; o Ietutunu.*+ Ko te pese a Tavita.
Ka puipui ne au toku gutu ki se mea ‵sai gutu+
I te taimi e nofo mai ei se tino amio masei i oku tafa.”
2 Ne seki ai saku pati ne mafai o fai kae nofo filemu;+
Ne seki faipati au e uiga foki loa ki mea ‵lei,
Kae ko toku logo‵mae ko oko eiloa i te malosi.
3 A toku loto ne ‵ka malielie* eiloa i loto i a au.
I te taimi ne mafaufau ‵loto* ei au, kae ko te afi ne ka faeloa.
Tenā ne faipati atu ei au:
4 “Ieova, fesoasoani mai ke iloa ne au me ka pefea toku gataga,
Mo te aofaki o oku aso,+
Ko te mea ke iloa ne au te toetoe o toku olaga.
5 E tonu, ko oti ne fakamu‵tana ne koe oku aso;*+
Kae ko te leva o toku ola se mea fua e seai i ou mua.+
E tonu, e fai eiloa a tāgata katoa e pelā me se laumatagi, faitalia me e foliga tokagamalie latou.+ (Selā)
6 E tonu, a tāgata kātoa e sa‵sale fua e pelā me se ata.
E fakava‵vave* fua a ia ki se mea e seai.
E fakaputu ne ia ana koloa, kae e se iloa ne ia me ko oi ka maua ne ia.+
7 Se a te mea e mafai o fakamoemoe au ki ei e Ieova?
A koe ko toku fakamoemoega fua e tasi.
8 Fakaola mai au mai aku amioga solitulafono katoa.+
Sa faigina au mo mea fakatauemu a te tino valea.
9 Ne tumau au i te sē faipati;
E se mafai ne au o ‵tala toku gutu,+
Me tenei eiloa te mea ne fai ne koe.+
10 Sa toe fakasalagina au.
Au ko vāivāi ona ko mea ne fai ne koe.
11 E fakatonutonu ne koe te tagata ki fakasalaga ona ko tena mea ‵se;+
Ne fakamasei ne koe ana mea ne tausi e pelā eiloa mo mea e fai ne se anufe.
E tonu, a tāgata katoa e fai fua pelā me se laumatagi.+ (Selā)
12 Fakalogo mai ki taku ‵talo, e Ieova,
Fakalogo mai ki taku tagi mō se fesoasoani.+
Sa fakapuli ne koe oku loimata.
Me i a au se tino fakaa‵tea ki a koe,+
Se tino faimalaga e afe mai penei, e pelā eiloa mo oku tupuga katoa.+
13 ‵Fuli kea‵tea ou mata sē fia‵fia konā mai i a au ko te mea ke fiafia au
Koi tuai au o mate, ko galo atu ei au.”