Numela

23 Tenā ne fai atu ei a Palaamo ki a Palako: “Faite i te koga tenei a fatafaitaulaga e fitu+ kae fakatoka mai ma aku ne pulumakau tāgata e fitu mo mamoe e fitu.” 2 Ne fai fakavave ne Palako a mea ne fai atu ne Palaamo. Kae ne ofo atu ne Palako mo Palaamo se pulumakau tagata mo se mamoe i luga i fatafaitaulaga takitasi konā.+ 3 Tenā ne fai atu ei a Palaamo ki a Palako: “Nofo i konei i tafa o tau taulaga ‵sunu, i a au ka fano. E se taumate ka fesokotaki mai a Ieova ki a au. So se mea telā e fakaasi mai ne ia ki a au, ka fakailoa atu ne au ki a koe.” Fanaka ei a ia ki luga i te mauga.

4 Tenā ne fesokotaki mai ei a te Atua ki a Palaamo,+ telā ne fai atu ki a Ia: “Ko oti ne fakalaina ne au a fatafaitaulaga e fitu, kae ne ofo atu ne au se pulumakau tagata mo se mamoe i luga i fatafaitaulaga takitasi konā.” 5 Ne tuku atu ne Ieova a pati konei ki te gutu o Palaamo:+ “Foki ki a Palako, kae konei a pati e ‵tau o fai atu ne koe.” 6 Ne foki atu a ia kae lavea ne ia a Palako mo pelenise katoa o Moapi e ‵tu i tafa o tena taulaga ‵sunu. 7 Tenā ne fai atu ei ne ia a te faigamuna tenei:+

‘Vau o fetū aka a Iakopo mō oku.

Ao, vau o fakamalaia atu a Isalaelu.’+

 8 E mafai pefea o fetū ne au a latou kolā e seki fetū ne te Atua?

Kae e mafai pefea o fakamalaia ne au a latou kolā e seki fakamalaia ne Ieova?+

11 Tenā ne fai atu ei a Palako ki a Palaamo: “Se a te mea ko fai ne koe ki a au? Ne aumai ne au koe ke fetū ne koe oku fili, kae e seai sau mea ne fai kae na ko te fakamanuia atu fua o latou.”+ 12 Ne tali atu a ia: “E a, e se ‵tau o faipati atu ne au so se pati e tuku mai ne Ieova ki toku gutu?”+

13 Muna a Palako ki a ia: “Fakamolemole vau ke olo tāua ki se isi koga telā e mafai o lavea ne koe mai i ei a latou. Ka lavea fua ne koe se vaega o latou; ka se lavea ne koe a latou katoa. Ko fetū ei ne koe a latou mai i te koga tenā.”+ 14 Ne ave ne ia a Palaamo ki te malae o Sofima, ki te taulu o Peseka,+ kae faite a fatafaitaulaga e fitu i ei kae ofo atu se pulumakau tagata mo se mamoe i luga i fatafaitaulaga takitasi konā.+ 15 Ne fai atu a Palaamo ki a Palako: “Nofo i konei i tafa o tau taulaga ‵sunu ke fesokotaki au ki a Ia i te koga telā.” 16 Kae ne fesokotaki atu a Ieova ki a Palaamo kae tuku atu a pati konei ki tena gutu:+ “Foki ki a Palako, kae konei a pati e ‵tau o fai atu ne koe.” 17 Ne foki atu a ia ki a Palako kae lavea atu ne ia me e fakatalitali tou tagata i tafa o tena taulaga ‵sunu, kae ne ‵nofo atu foki i konā a pelenise o Moapi. Ne fesili atu a Palako ki a ia: “Ne a pati ne fai mai ne Ieova?” 18 Tenā ne fai atu ei ne ia a te faigamuna tenei:+

“Tu ki luga, e Palako, kae fakalogo mai.

Fakalogo mai, e te tama tagata a Sipola.

Kafai e taku atu ne ia se mea, e a, ka se fai eiloa ne ia?

Kafai e faipati mai a ia, e a, ka se fakataunu eiloa ne ia ana pati?+

22 E aumai kea‵tea ne te Atua a latou mai Aikupito.+

E fai eiloa a ia e pelā me ne suki o se pulumakau tagata o te vao mō latou.+

25 Tenā ne fai atu ei a Palako ki a Palaamo: “Kafai e se mafai ne koe o fetū a ia, e se ‵tau foki o fakamanuia ne koe a ia.” 26 Ne tali atu a Palaamo ki a Palako: “E a, e seki fai atu au ki a koe, ‘Ka fai ne au a mea katoa e fai mai ne Ieova’?”+

27 Ne fai atu a Palako ki a Palaamo: “Fakamolemole, vau ke toe ave ne au koe ki se isi koga. E se taumate ka talia ne te Atua tonu ke fetū ne koe a ia mai i konā.”+ 28 Ne ave ne Palako a Palaamo ki luga i Peolo, telā e fakafesagai atu ki Iesimoni.*+ 29 Kae ne fai atu a Palaamo ki a Palako: “Faite ne fatafaitaulaga e fitu i te koga tenei kae fakatoka ne pulumakau tāgata e fitu mo mamoe e fitu ma aku.”+ 30 Ne fai eiloa ne Palako a mea kolā ne fai atu ne Palaamo, kae ne ofo atu ne ia se pulumakau tagata mo se mamoe i luga i fatafaitaulaga takitasi konā.