Salamo
Ko te pese a Tavita.
143 Ieova, fakalogo mai ki taku ‵talo;+
Fakalogo mai ki taku fakatagi mō se fesoasoani.
Tali mai ki a au i tou fakamaoni mo tou amiotonu.
2 Sa ave tau tavini ki te fakamasinoga,
Me e seai se tino ola e mafai o amiotonu i ou mua.+
3 Me i te fili e afuli ne ia au;
Ko oti ne tuki pala ne ia toku ola ki lalo i te laukele.
Ko oti ne fai ne ia au ke nofo i te pouliga e pelā mo latou kolā ko leva ne ‵mate.
5 E masaua ne au a aso mua;
Au ne mafaufau ‵loto ki au faifaiga katoa;+
Au ne mafaufau ‵loto* ki galuega ne fai ne ou lima.
6 E ‵fola atu ne au oku lima ki a koe;
E fai au e pelā me se laukele malō telā e fiainu malosi ki a koe.+ (Selā)
8 Fai ke lagona ne au tou alofa fakamaoni i te tafataeao,
Me i a au e talitonu ki a koe.
Fai ke iloa ne au te auala e ‵tau o sasale au i ei,+
Me i a au e ‵fuli atu ki a koe.
9 Fakasao mai au mai oku fili, e Ieova.
Au e ‵sala ki tau puipuiga.+
10 Akoako mai au ke fai tou loto,+
Me i a koe ko toku Atua.
A tou agaga e ‵lei;
Ke takitaki ne ia au i laukele laugatasi.*
11 Ona ko tou igoa, e Ieova, tausi mai au ke ola,
I tou amiotonu, fakasao mai au mai fakalavelave.+