Iopu
3 Mai tua ifo o te mea tenei ne kamata a Iopu o faipati kae fetū ne ia te aso ne fanau ei a ia.*+ 2 Muna a Iopu:
3 “Ke galo atu a te aso ne fanau ei au,+
E pelā foki te po telā ne fai aka ei se tino: ‘Ko fanau mai te tamaliki!’
4 Ke pouli eiloa te aso tenā.
Ke mo a eiloa ma saga atu a te Atua ki ei;
Ke seai eiloa se mainaga e maina atu ki ei.
5 Ke toe puke mai ne te pouli* tagataga a te mea tenā.
A te kaumana uli ke nofo mai luga i ei.
Ke fakamatakutaku a te mea tenā ne so se mea e fakapouli ne ia a te aso.
6 Ke ufi ne te pouliga lasi a te po tenā;+
Ke mo a eiloa e fia‵fia fakatasi mo aso o te tausaga,
Kae ke mo a eiloa ma aofia a te aso tenā i so se masina.
7 E tonu! Ke se afu eiloa te po tenā;
Ke seai eiloa se ‵tagi fiafia e lagona atu i ei.
8 Ke fetū a te aso tenā ne latou kolā e fetū ne latou te aso,
9 Ke pouli eiloa a fetū o te taeao ‵malu;
Ke faka‵tali eiloa mo te fi‵ta ki te maina mai o te ao,
Kae ke mo a eiloa ma lavea ne ia a te mainaga o te vaveao.
10 Me e seki ‵pono ne ia mataloa o te moegatama+ o toku mātua;
Io me ne ‵funa aka ne ia a fakalavelave mai i oku mata.
11 Kaia ne seki mate ei au i taku fanauga?
Kaia ne seki mate ei au i taku vauga mai te moegatama?+
12 Kaia ne isi ei ne tulivae ke tali ne latou au,
Mo ū ke tausi ei au?
13 Moi penei ko takato nei au ki lalo e aunoa mo se mea e fakalavelave mai;+
Ko moe atu ei au kae malōlō+
14 Fakatasi mo tupu o te lalolagi mo olotou tino fakatonutonu,
Kolā ne faite ne latou mō latou eiloa a koga kolā ko oti ne fakamaseigina,
15 Io me fakatasi mo pelenise kolā e isi ne olotou aulo,
Kolā e ‵fonu olotou fale i siliva.
16 Io me kaia e seki fai ei au e pelā me se pepe ne ‵tafe kea‵tea,
E pelā me ne tama‵liki e seki lavea eiloa ne latou te mainaga?
17 I te koga tenā a tino ma‵sei e se manava‵se;
I te koga tenā a tino fi‵ta e malō‵lo.+
18 I te koga tenā, a pagota e ‵nofo filemu;
E se lagona ne latou a te leo o te tino e faimālō a latou ke ga‵lue.
19 A tino ma‵lalo mo tino ma‵luga e ‵pau eiloa i te koga tenā,+
Kae ko te pologa ko fakasaoloto mai i tena matai.
20 Kaia e tuku atu ei ne ia te mainaga ki te tino telā e logo‵mae
Mo te ola ki a latou kolā e loto mafatia malosi?+
21 Kaia e fakatali‵tali ei latou ki te mate, kae e se oko mai?+
E keli malosi atu latou ki ei i lō koloa ‵funa,
22 Ko latou kolā e fia‵fia malosi,
Kolā e fia‵fia māfai ko maua ne latou te tanuga.
23 Kaia e tuku atu ei ne ia te mainaga ki se tagata telā ko galo i tena auala,
Telā ne ‵sai ne te Atua i ana feitu katoa?+
24 A toku mānava fi‵ta+ ko sui ne ia aku meakai,
Kae ko toku tigaina+ ko ‵sali ki tua e pelā me ne vai.
25 Me i te mea ne mataku au i ei ko oko mai ki luga i a au,
Kae ko te mea ne mataku au ki ei ko tupu ki a au.
26 E seki ai eiloa soku filemu, seai se tokagamalie, seai se malōlōga,
Kae ko fakalavelave e oko mai faeloa.”