Te Muamua Nofoaiga Tupu

24 Tenei te vaevaega o tino kolā ne ‵tupu mai i a Alona: A tama tāgata a Alona ko Natapu, Apiu,+ Eleasalo mo Itamala.+ 2 Kae ko Natapu mo Apiu ne ‵mate kae koi tuai o mate te lā tamana,+ kae e seai ne lā tama tāgata; kae ko Eleasalo+ mo Itamala ne tumau eiloa o tavini atu e pelā me ne faitaulaga. 3 Ne fai eiloa ne Tavita fakatasi mo Satoka+ mai tama tāgata a Eleasalo mo Aimeleka mai tama tāgata a Itamala, te vaevaega o lāua ki lā tofiga i te taviniga. 4 Ona ko te mea e tokouke atu a takitaki i tama tāgata a Eleasalo i lō tama tāgata a Itamala, ne vaevae ei ne latou e ‵tusa mo te aofaki o latou: A tama tāgata a Eleasalo e toko 16 ana takitaki i kāiga o olotou tamana, kae ko tama tāgata a Itamala e toko 8 ana takitaki i kāiga o olotou tamana.

5 E se gata i ei, ne vaevae aka latou mai te fakaaogaga o te vili,+ te potukau e tasi fakatasi mo te suā potukau, me e isi ne ofisa o te koga tapu mo ofisa a te Atua tonu mai tama tāgata a Eleasalo mo tama tāgata a Itamala. 6 Tenā ne fakamau ei ne Semaia te tama tagata a Netanelu te failautusi o tino Levi olotou igoa i mua o te tupu, pelenise, Satoka+ te faitaulaga, Aimeleka+ te tama tagata a Aviata,+ mo ulu o kāiga o faitaulaga i olotou tamana mo tino Levi, ne filifili aka se kāiga e tasi ki a Eleasalo kae tasi ki a Itamala.

7 Ne tu a te vili muamua ki a Ieoialipa; a te lua ki a Ietaia,  8 te tolu ki a Halima, te fa ki a Seolima, 9 te lima ki a Malakita, te ono ki a Mitiamina, 10 te fitu ki a Hakosi, te valu ki a Avia,+ 11 te iva ki a Iesua, te sefulu ki a Sekania, 12 te 11 ki a Eliasipa, te 12 ki a Iakima, 13 te 13 ki a Hupa, te 14 ki a Iesepeapa, 14 te 15 ki a Pilika, te 16 ki a Imela, 15 te 17 ki a Hesila, te 18 ki a Hapisese, 16 te 19 ki a Pateia, te 20 ki a Iesikeli, 17 te 21 ki a Iakini, te 22 ki a Kamulo, 18 te 23 ki a Telaia, te 24 ki a Masia.

19 Konei olotou tofiga i te lotou taviniga+ māfai ko o‵mai latou ki te fale o Ieova e ‵tusa mo fakatokaga ne fai ne te lotou tupuga ko Alona, e pelā eiloa mo mea ne fakatonu atu ne Ieova te Atua o Isalaelu ki a ia.

20 Kae mai te ‵toega o tino Levi: mai tama tāgata a Amalamo+ ko Supuelu;+ mai tama tāgata a Supuelu ko Ieteia; 21 mai i a Lehapaia:+ mai tama tāgata a Lehapaia ko Isilaia te takitaki; 22 mai i tino Isala, ko Selomota;+ mai tama tāgata a Selomota ko Iaata; 23 kae mai tama tāgata a Hepelona ko Ielia+ te takitaki, Amalia te tokolua, Iasielu te tokotolu, Iekameamo te tokofa; 24 mai tama tāgata a Usieli ko Mika; mai tama tāgata a Mika ko Samila. 25 A te taina o Mika ko Isilaia; mai tama tāgata a Isilaia ko Sakalia.

26 A tama tāgata a Melali+ ko Mali mo Musi; mai tama tāgata a Iasia ko Peno. 27 A tama tāgata a Melali: mai i a Iasia ko Peno, Sohama, Sakula mo Ipeli; 28 mai i a Mali ko Eleasalo telā e seai ne ana tama tāgata;+ 29 mai i a Kiso: a tama tāgata a Kiso ko Ielameele; 30 kae ko tama tāgata a Musi ko Mali, Eta mo Ielimota.

Konei a tama tāgata a Levi i kāiga o olotou tamana. 31 Kae ne fai foki ne latou a vili+ e pelā mo mea ne fai ne olotou taina ko tama tāgata a Alona i mua o te Tupu ko Tavita, Satoka, Aimeleka, mo ulu o kāiga o faitaulaga i olotou tamana mo tino Levi. E uiga ki kāiga i olotou tamana, e ‵pau eiloa a te ulu o te kāiga mo tena taina foliki.