Sefanaia
3 Kalofa eiloa i te fakai ‵teke, lailai, kae fakasaua!+
2 Ne seki fakalogo a ia ki se leo;+ ne seki talia ne ia se pati polopoloki.+
Ne seki talitonu a ia ki a Ieova;+ ne seki fakapilipili atu a ia ki tena Atua.+
3 Ana pelenise i loto i a ia ne leona fe‵kai.+
Ana famasino ne kuli vao i te po;
E seki tiaki ne latou se ivi e tasi ke lamulamu ne latou ke oko ki te tafataeao.
4 Ana pelofeta ne tāgata sē āva kae faitogafiti.+
Ana faitaulaga e fakalai‵lai ne latou a te mea tapu;+
E fai ne latou a faifaiga fakasaua ki te tulafono.+
5 A Ieova e amiotonu i loto i te fakai;+ e seai se mea ‵se e fai ne ia.
I tafataeao katoa e fakailoa atu ne ia ana fakamasinoga,+
E tumau eiloa e pelā mo te mainaga o te ao.
Kae ko tino sē amio‵tonu e se iloa ne latou o ‵ma.+
6 “Ne fakamasei ne au a atufenua; ne tiaki ke maofa olotou taoa kolā e ‵tu i ‵kōna.
Ne ofa ne au olotou auala, ko te mea ke seai se tino e fanatu i ei.
Olotou fakai ne fakamaseigina, e aunoa mo se tagata, e aunoa mo se tino e nofo i ei.+
7 Ne fai atu au, ‘A koe ka mataku eiloa ki a au kae talia foki aku polopolokiga,’+
Ko te mea ke se fakamaseigina tena koga nofo+
—E ‵tau o fakasala ne au tou fafine ona ko mea katoa konei.
Kae ne momea aka i ei te lotou ma‵nako malosi ke fai a mea matagā.+
8 ‘Tela la, ‵nofo fakatalitali ki a au,’+ ko te folafolaga a Ieova,
‘Ke oko ki te aso e tu aka ei au o ‵fao a mea,
Me i te ikuga o aku fakamasinoga ko te fakamaopoopoga o atufenua, ke fakamaopoopo mai a malo,
Ke ‵ligi atu ki a latou toku kaitaua, ko toku kaitaua kātoa telā e ‵ka pelā me se afi;+
Me e auala i te afi o toku loto finafinau ka ‵sunu i ei te lalolagi kātoa.+
9 I te taimi tenā ka ‵fuli ne au a te ‵gana a tino ki se ‵gana ‵ma,
Ko te mea ke mafai ne latou katoa o ka‵laga ki te igoa o Ieova,
10 Mai i kogā koga o vaitafe o Aitiope,
A latou kolā e fakamolemole mai ki a au, ko te tama fafine a oku tino kolā ne salalau valevale, ka aumai ne latou se meaalofa ki a au.+
11 I te aso tenā, a koe ka se fakamasiasigina
Ona ko au faifaiga katoa kolā ne ‵teke mai ei koe ki a au,+
Me i te taimi tenā ka tapale ne au kea‵tea mai i a koutou a tino fakamaua‵luga kae fakamata‵mata;
Kae ka se toe fakamaualuga eiloa koe i toku mauga tapu.+
12 Ka talia ne au a tino loto mau‵lalo kae ma‵lalo ke tumau i loto i a koe,+
Kae ka faka‵lafi latou ki te igoa o Ieova.
13 A latou kolā e ‵toe i Isalaelu+ ka se fai ne latou a faifaiga sē amio‵tonu;+
Ka se fai‵pati latou ki se loi, io me maua atu se alelo faka‵se tino i olotou gutu;
Ka ‵kai latou kae ta‵kato ki lalo, kae ka seai se tino e ma‵taku latou ki ei.”+
14 Kalaga mo te fiafia, e te tama fafine o Siona!
Kalaga mo te manumalo, e Isalaelu!+
Ke fiafia kae ‵lifu mo tou loto kātoa, e te tama fafine o Ielusalema!+
15 A Ieova ko oti ne tapale kea‵tea ne ia a fakamasinoga mai i a koe.+
Ko oti ne afuli kea‵tea ne ia tou fili.+
A te Tupu o Isalaelu, ko Ieova, e fakatasi mo koe.+
Ka se toe mataku eiloa koe i fakalavelave.+
16 I te aso tenā, ka fai atu penei e uiga ki Ielusalema:
“Sa mataku, e Siona.+
Ke mo a ma tuku ifo ou lima ki lalo.
17 A Ieova tou Atua e fakatasi mo koe.+
E pelā me se Atua malosi, ka fakasao ne ia koe.
Ka fiafia a ia ona ko koe i te fiafia lasi.+
Ka nofo filemu a ia i tena alofa.
Ka fiafia a ia ona ko koe i te kalaga o te fiafia.
18 Ka fakamaopoopo mai ne au a latou kolā e fanoa‵noa ona ko te lotou ‵galo i taimi o ‵kaiga fia‵fia;+
Ne ‵galo latou mai i a koe ona ko te masiasi ne tauave ne latou mō tou fafine.+
19 Kiloke! I te taimi tenā ka gasuesue ei au o ‵teke atu a latou kolā e fakasaua atu ki a koe;+
Kae ka fakasao ne au a te tino telā e ketuketu,+
Kae ka fakamaopoopo fakatasi ne au a tino ne salalau valevale.+
Ka fai ne au latou ke tavaegina kae ke takutakua
I te fenua kātoa telā ne masiasi ei latou.
20 I te taimi tenā ka aumai ei ne au koutou ki loto,
I te taimi telā e fakamaopoopo fakatasi ei ne au koutou.