Iopu
23 Ne toe tali atu a Iopu:
2 “I te aso nei ka loto makeke eiloa au o fai taku fameo;+
A toku malosi ko gasolo ifo eiloa ona ko toku mānava fi‵ta.
3 Moi fai ke iloa ne au te koga e maua ei te Atua!+
Ka fano eiloa au ki te koga e nofo a ia i ei.+
4 Ka avatu ne au taku tagi ki ana mua
Kae faka‵fonu toku gutu ki kinauga;
5 Ka tauloto ne au te auala e tali mai ei a ia ki a au
Kae ka masaua ne au ana pati e fai mai ki a au.
6 E a, ka fakataufai mai a ia ki a au mai te fakaaogaga o tena ‵mana malosi?
Ikai, e mautinoa eiloa me ka fakalogo mai a ia ki a au.+
7 I konā ka mafai ei ne te tino fai mea tonu o fakatonutonu a mea fakatasi mo ia,
Kae ka fakasao au ki te se-gata-mai ne toku Famasino.
8 Kafai e fano au ki saegala, e galo a ia i konā;
Kae kafai e foki mai au e se maua ne au a ia.
9 Kafai e galue a ia i te feitu fakamaui, e se mafai o kilo atu au ki a ia;
Tenā ko ‵fuli ei a ia ki te feitu fakaatamai, kae e se lavea eiloa ne au a ia.
10 Kae e iloa ne ia te auala ne fano au i ei.+
Kafai ko oti ne tofotofo ne ia au, ka vau au ki tua e pelā me se aulo ‵ma pakipaki.+
11 A oku vae e tau‵tali fakapilipili atu ki ana kalafaga;
Ne tausi au ki ana auala e aunoa mo te fakaseke kea‵tea.+
12 Ne seki tiaki ne au a fakatonuga o ana laugutu.
Ne tausi ne au ana pati+ e sili fakafia atu i lō mea kolā e manakogina ke fai ne au.
13 Kafai e fakaiku aka ne ia se mea, ko oi e mafai o ‵teke atu ki a ia?+
Kafai e manako a ia o fai se mea, e fai eiloa ne ia.+
14 Me ka fai katoa ne ia a mea ko oti ne fakaiku ne ia mo oku,
Kae uke ‵ki ana mea penā.
15 Tenā te pogai e manavase ei au ona ko ia;
Kafai e mafaufau au e uiga ki a ia, e gasolo aka eiloa toku mataku.
16 Ko oti ne fai au ne te Atua ke loto vāivāi,
Kae ne fai ne te Atua Malosi Katoatoa au ke mataku.
17 Kae ko au ne seki fakafilemu ne te pouliga
Io me ko te pouliga telā ne ufi i ei oku mata.