Salamo
142 Ko kalaga atu au ki a Ieova i toku leo mō se fesoasoani;+
E fakamolemole atu au ki a Ieova i toku leo ke talia mai au.
2 E ‵ligi atu ne au a mea e manavase au ki ei i ana mua;
E fakailoa atu ne au oku fakalavelave i ana mua+
3 Kafai ko vāivāi toku loto
Tenā ko onoono mai ei koe ki toku auala.+
I te auala e sasale au i ei
E ‵funa ne latou se matasele mō au.
4 Kiloke ki toku lima fakaatamai kae kilo atu
Me e seai se tino e atafai mai ki a au.+
E seai se koga e mafai o tele au ki ei;+
E seai se tino e manavase mai ki a au.
5 Au e kalaga atu ki a koe, e Ieova, mō se fesoasoani.
6 Saga tonu mai ki taku tagi mō se fesoasoani,
Me i a au ko oti ne fakamalalo.
Fakasao mai au mai i tino fakasaua,+
Me e ma‵losi atu latou i a au.
7 Aumai au ki tua mo te falepuipui pouli
Ke ‵viki atu ki tou igoa.
A tino amio‵tonu ke fakatamilo ne latou au
Me i a koe ne fai faka‵lei ki a au.