Iopu
16 Ne tali atu a Iopu:
2 “Ko oti ne lagona ne au a mea e uke penei.
A koutou katoa ne tino fakamafanafana faka‵mae loto!+
3 E a, e isi se gataga ki pati sē aoga?
Se a te mea ne kaitaua koe ki ei ko tali mai ei koe penei?
4 E mafai foki au o faipati e pelā mo koutou.
Moi fai ke ‵nofo koutou i toku tulaga,
E mafai ne au o fai a faipatiga e fakatalitonu atu ei te ma‵sei o koutou
Kae lūlū toku ulu ki a koutou.+
5 Kae i lō te fai penā, ka fakamalosi ne au koutou ki pati mai toku gutu,
Kae ko fakamafanafanaga mai oku laugutu ka aumai i ei te fakatapūga.+
6 Kafai au e faipati, e seai se feoloolo ki toku logo‵mae,+
Kae kafai e taofi taku faipati, e pefea te foliki o toku logo‵mae?
8 E puke foki ne koe au, kae ko fai e pelā me se molimau,
Ko te mea ke tu aka toku foitino pakākā o molimau ki a au.
9 A tena kaitaua ne saesae likiliki ne ia au, kae takalialia mai a ia ki a au.+
E ū ana nifo o ‵teke mai ki a au.
A toku fili e ‵pula ‵toka mai ana mata ki a au.+
10 E faka‵maga malosi olotou gutu o ‵teke mai ki a au,+
Kae ‵pa ne latou oku kalafou mo te fakatauemu;
E maopoopo latou i aofaki e tokouke o ‵teke mai ki a au.+
11 E tuku atu au ne te Atua ki tama‵liki tāgata,
Kae ‵pei ne ia au ki lima o tino ma‵sei.+
12 Au ne nofo i te filemu, kae ne ‵pei ne ia au ke malipilipi;+
Ne puke ne ia au mai tua i toku ua kae tuki palapala au;
Tenā ne fakatu ei ne ia au e pelā me se taketi a ia.
13 Ne fakatamilo au ne ana tino sana matasana;+
Ne ‵suki ne ia oku nonu+ e aunoa mo te alofa atafai;
Ne ‵ligi ne ia toku au ‵kona ki tua i te laukele.
14 E ofa ne ia au ki lalo e pelā me se ‵pui ki pūga takitasi;
E tele mai a ia ki a au e pelā me se toa mafi.
15 Ko oti ne ‵sui fakatasi ne au a gatu lautaga mo ‵pono toku pa‵kili,+
16 A oku mata ko kula eiloa i te tagiga,+
Kae ko oku laumata ko uli eiloa,*
17 E tiga eiloa ne seki fai ne oku lima ne faiga fakasaua
Kae ko taku ‵talo e ‵ma pakipaki.
18 Te laukele, sa ufi ne koe oku toto!+
Kae fai ke seai se koga malōlō o toku tagi!
19 Ke oko mai nei, a taku molimau telā i te lagi;
A te tino telā e mafai o molimau ki a au e nofo i koga ma‵luga.
21 Fai ke isi se tino e fai ne ia te fakamasinoga i te va o te tagata mo te Atua,
E pelā mo te faiga i te va o se tagata mo tena tuakoi.+
22 Me i tausaga koi ‵toe ko mu‵tana fua,
Kae ka fano au kea‵tea i te auala telā e se toe foki mai.+