Ielemia
2 Ne oko mai te pati a Ieova ki a au, ana muna: 2 “Fano o folafola atu ki taliga o Ielusalema, ‘Konei a pati a Ieova ne fai mai:
“E masaua ‵lei ne au te lasi o tou alofa* i te taimi koi talavou ei koe,+
Te alofa ne fakaasi mai ne koe i te taimi ne ‵sai ei tau feagaiga ke fakaipoipo,+
Te auala ne tautali mai ei koe i a au i te koga lavaki,
I se laukele telā e seai ne fuaga ne ‵toki i ei.+
3 A Isalaelu se mea tapu ki a Ieova,+ ko fuataga muamua a ia.”’
‘So se tino e fakamasei ne ia a ia ka agasala.
Ka oko atu a fakalavelave ki luga i a latou,’ ko te folafolaga a Ieova.”+
4 Faka‵logo mai ki pati a Ieova, e te kāiga o Iakopo,
Mo koutou katoa e kāiga o Isalaelu.
5 Konei a pati a Ieova ne fai mai:
“Se a te mea ‵se ne maua ne otou tupuga i a au,+
Ko te mea ke tapea‵pea latou ke ‵mao mai i a au,
Kae sa‵sale atu latou i tua o tupua sē aoga+ kae fai foki ei ke se aoga latou?+
6 Ne seki fesili aka latou, ‘Tefea a Ieova,
Te Atua telā ne aumai ne ia tatou kea‵tea mo te fenua o Aikupito,+
Telā ne takitaki ne ia tatou i loto i te koga lavaki,
I loto i se fenua o toafa+ mo lua,
I loto i se fenua e seai ne vai i ei+ kae pouli,
I loto i se fenua e seai se tagata e faimalaga i ei
Kae seai ne tino e ‵nofo i ei?’
7 Tenā ne aumai ei ne au a koe ki se fenua o vao lakau kaina,
Ke kai koe ki ana fuaga mo ana mea ‵lei.+
Kae ne ulu mai koe o fakalailai toku laukele;
Ne fai ne koe toku tofi mo fai se mea fakatakalialia.+
8 A faitaulaga ne seki fesili aka, ‘Tefea a Ieova?’+
A latou kolā e akoako atu te Tulafono e se iloa ne latou au,
A tausi mamoe ne ‵teke mai ki a au,+
A pelofeta ne ‵valo atu e auala i a Paala,+
Kae ne tau‵tali atu latou i tino kolā e seai ne mea aoga e maua mai i ei.
9 ‘Tela la, ka kinau malosi atu au ki a koutou,’+ ko te folafolaga a Ieova,
‘Kae ka kinau atu au ki tama tāgata a otou tama tāgata.’
10 ‘Olo atu ki te suā feitu ki fenua fo‵liki o Kitimo+ kae ‵kilo atu.
Ao, uga atu se fekau ki Ketala+ kae mafaufau faka‵lei;
Onoono me kai isi eiloa se mea penei ko oti ne tupu.
11 Kai isi eiloa se fenua ne sui ne ia ana atua ki mea kolā e se ne atua?
Kae ko oku tino ko oti ne sui ne latou toku ‵malu ki se mea sē aoga.+
12 Kilo atu mo te poi ki te mea tenei, a koe e te lagi;
Polepole malosi i te mataku,’ ko te folafolaga a Ieova,
13 ‘Me ko oti ne fai ne oku tino a mea ma‵sei e lua:
Ko oti ne tiakina ne latou au, te pogai o te vai ola,+
Kae ne keli foki a vaikeli mō latou eiloa,
Ko vaikeli ma‵fa kolā e se mafai o taofi i ei a vai.’
14 ‘E mata, a Isalaelu se tavini io me se pologa ne fanau i se kāiga?
Kaia la ne tuku atu ei a ia ke kaisoagina ana mea?
15 A tamā leona e ‵tagi ki a ia;+
E mumea aka te ‵tagi o latou.
E fai ne latou tena laukele mo fai se mea fakamataku.
A tena fakai ko oti ne faka‵ka ki te afi, telā ko seai ei ne tino e ‵nofo i ei.
16 A tino o Nafi*+ mo Tapenesa+ e ‵kai i te tumuaki o tou ulu.
17 E a, e seki fai ne koe te mea tenei ki a koe
Me ne tiakina ne koe a Ieova tou Atua+
Telā e takitaki ne ia koe i tou auala?
19 E ‵tau o fakatonutonu aka koe ne au amioga ma‵sei,
Kae e ‵tau o polopoloki ‵mafa koe ne tou sē fakamaoni.
Fai ke iloa ne koe kae ke lavea foki te masei mo te ‵kona+
Māfai ko tiakina ne koe a Ieova tou Atua;
Ne fakaasi mai ne koe te sē mataku ki a au,’+ ko te folafolaga a te Aliki Sili, ko Ieova o kautau.
20 ‘Ne foafoa ne au tau amo i aso mua eiloa+
Kae ne ‵motu ne au a mea pikifao o koe.
Kae ne fai mai koe: “Au ka se tavini atu ki a koe,”
Me i luga i tamā mauga ma‵luga kae mai lalo i so se lakau ola ‵lei+
Ne takato koe kae ‵fuli ki luga, kae fai au faifaiga talitāgata.+
21 Ne ‵toki ne au koe e pelā me se vine kula ‵lei,+ ana fuaga katoa e ‵ma;
Kae ne mafuli pefea koe o fai pelā me se somo masei o se vine fakaa‵tea i oku mua?’+
22 ‘E tiga eiloa e ‵tau o ‵fulu ne koe ki te masima* kae fakaaoga ke uke a sopu ki ei,
A tau agasala koi fai eiloa pelā me se mea lailai i oku mua,’+ ko te folafolaga a te Aliki Sili ko Ieova.
23 E mafai pefea o fai mai koe, ‘Ne seki fakalailai ne au a au eiloa.
Au ne seki tautali i a Paala’?
Kilo atu ki tou auala i te vanu.
Mafaufau ki te mea ne fai ne koe.
A koe ko fai pelā me se tamā kamela fafine makini,
Telā e tele ki mua mo tua i tena auala e aunoa mo se pogai.
24 Se asini vao telā e masani ki te koga lavaki,
Kae manako tena loto o mānava ki te matagi.
Ko oi e mafai o taofi ne ia a ia māfai ko fia fai avaga?
E seai se tino i a latou kolā e ‵sala ki a ia e ‵tau o fi‵ta.
Ka maua ne latou a ia i tena taimi tonu.*
25 Sa fai ke sa‵sale ou vae e aunoa mo ne taka
Kae ko tou kato foki ke se fiainu.
Kae ne fai mai koe, ‘Ko seai se aoga!+
26 E pelā eiloa mo te masiasi o se tino kaisoa māfai ko ‵poa aka a ia,
E penā foki te kāiga o Isalaelu ko oti ne fakamasiasigina,
Ko latou, olotou tupu, mo olotou pelenise,
Olotou faitaulaga mo olotou pelofeta.+
27 E fai atu latou ki se lakau, ‘A koe ko toku tamana,’+
Kae ki se fatu, ‘Ne fanau ne koe au.’
Kae ne ‵fuli mai olotou tua ki a au kae e se ‵saga mai olotou mata.+
Kae i te taimi o olotou fakalavelave ka fai mai latou,
‘Tu ki luga o faka‵sao matou!’+
28 Nei la, kofea ou atua kolā ne faite ne koe mō koe?+
Fai ke ‵tu aka latou ki luga māfai e mafai o faka‵sao ne latou koe i taimi o ou fakalavelave,
Me i ou atua ko uke eiloa e pelā mo ou fakai, e Iuta.+
29 ‘Kaia e kinau mai faeloa koe ki a au?
Kaia e ‵teke mai ei a koutou katoa ki a au?’+ ko te folafolaga a Ieova.
30 Ko oti ne ‵ta ne au a tama tāgata a koe, kae seai se aoga.+
E seai se polopolokiga e talia ne latou;+
Ko tau pelu ne tamate ki ei au pelofeta,+
E pelā me se leona fakamataku.
31 Mafau‵fau faka‵lei koutou ki pati a Ieova, e te kautama.
E a, ko fai au e pelā me se koga lavaki ki Isalaelu
Io me se laukele pouli kae fakasaua?
Kaia ne fai mai ei oku tino konei, ‘A matou e olo valevale fua.
Ka se toe olo atu matou ki a koe’?+
32 E a, e mafai o puli i se tamafine ‵ma ana mea fakagali‵gali.
Io me puli i se fafine ka fakaipoipo a tena fusi fakagaligali?
Kae ko oku tino ‵tonu ko oti ne fakapuli ne latou au i aso e uke.+
33 Te fafine, ko oko eiloa koe i te apo o fai tou auala o ‵sala ki se tino ke fiafai atu ki a koe!
Ko oti ne akoako ne koe a koe eiloa i auala o te amio masei.+
34 Ke oko ki ou lavalava e pisipisia i toto o tino ma‵tiva e seai ne olotou mea ‵se ne fai,+
E tiga eiloa ne seki ‵poa atu ne au latou i te taimi ne fai ei te mea ‵se;
Kae konā katoa i luga i ou lavalava.+
35 Kae e fai mai koe, ‘Au e se ‵se.
E mautinoa me ko fulitua mai tena kaitaua ki a au.’
Nei la, ka aumai ne au te fakamasinoga ki luga i a koe
Me fai mai koe, ‘Au e se ‵se.’
36 Kaia e manatu māmā ei koe ki tou auala sē tumau?
37 Ona ko te pogai foki tenei ka fano ei koe ki tua mo ou lima i tou ulu,+
Me i a Ieova ko oti ne ‵teke ne ia a latou kolā ne talitonu koe ki ei;
Ka se aumai ne latou te manuia ki a koe.”