Numela

1 Kae ko Ieova ne faipati atu ki a Mose i te koga lavaki o Sinai,+ i loto i te faleie o maopoopoga,+ i te aso muamua o te lua o masina, i te lua o tausaga o te lotou o‵maiga kea‵tea mai te fenua o Aikupito.+ Ana muna: 2 “Lau+ aka a te fakapotopotoga kātoa o tino Isalaelu taki tokotasi e ‵tusa mo olotou kāiga, mo kāiga i olotou tamana, e ‵tusa mo te aofaki o igoa o tāgata katoa. 3 E ‵tau o fakamau ne koulua mo Alona a tino katoa i olotou potukau* mai te 20 tausaga o fano ki luga+ kolā e mafai o ‵kau ki te kautau a Isalaelu.

4 “Ke puke ne koe ne tāgata taki tokotasi mai matakāiga takitasi; kolā ko ulu o kāiga i olotou tamana.+ 5 Konei a igoa o tāgata kolā ka ‵tu fakatasi mo koe: mai i a Leupena, ko Elisula,+ te tama tagata a Setulo; 6 mai i a Simeona ko Selumielu,+ te tama tagata a Sulisatai; 7 mai i a Iuta, ko Nasona,+ te tama tagata a Aminatapu; 8 mai i a Isakala, ko Netanelu,+ te tama tagata a Siualo; 9 mai i a Sepulona, ko Eliapo,+ te tama tagata a Helona; 10 mai i tama tāgata a Iosefa: mai i a Efalaima,+ ko Elisama te tama tagata a Amiuta; mai i a Manase, ko Kamalielu te tama tagata a Petasula; 11 mai i a Peniamina, ko Apitano+ te tama tagata a Kiteone; 12 mai i a Tanu, ko Aiesa,+ te tama tagata a Amisatai; 13 mai i a Asela, ko Pagielu+ te tama tagata a Okilani; 14 mai i a Kato, ko Eliasafo+ te tama tagata a Teuelu; 15 mai i a Nafatali, ko Aila+ te tama tagata a Enanu. 16 Konei a tino ne ‵kami mai i te fakapotopotoga. A latou ko takitaki o matakāiga+ o olotou tamana, ko ulu o te fia afe o tino Isalaelu.”+

17 Tenā ne puke ei ne Mose mo Alona a tāgata kolā ko oti ne taku mai olotou igoa. 18 Ne fakamaopoopo ne lāua a te fakapotopotoga kātoa i te aso muamua o te lua o masina, ko te mea ke mafai o fai te fakamauga e ‵tusa mo olotou igoa taki tokotasi, i olotou kāiga, mo kāiga i olotou tamana, mai te 20 tausaga o fano ki luga,+ 19 e pelā eiloa mo te fakatonuga a Ieova ki a Mose. Tenā ne fakamau ei ne ia olotou igoa i te koga lavaki o Sinai.+

20 A tama tāgata a Leupena, kolā ne ‵tupu mai i te toekimua a Isalaelu,+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa a latou taki tokotasi, 21 kae ko te aofaki ne fakamau i te matakāiga o Leupena e ‵tusa mo te toko 46,500.

22 A tino ne ‵tupu mai i a Simeona+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa a latou taki tokotasi, 23 kae ko te aofaki ne fakamau i te matakāiga o Simeona e ‵tusa mo te toko 59,300.

24 A tino ne ‵tupu mai i a Kato+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 25 kae ko te aofaki ne fakamau i te matakāiga o Kato e ‵tusa mo te toko 45,650.

26 A tino ne ‵tupu mai i a Iuta+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 27 kae ko te aofaki ne fakamau i te matakāiga o Iuta e ‵tusa mo te toko 74,600.

28 A tino ne ‵tupu mai i a Isakala+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 29 kae ko te aofaki ne fakamau i te matakāiga o Isakala e ‵tusa mo te toko 54,400.

30 A tino ne ‵tupu mai i a Sepulona+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 31 kae ko te aofaki ne fakamau i te matakāiga o Sepulona e ‵tusa mo te toko 57,400.

32 A tino ne ‵tupu mai i a Iosefa e auala i a Efalaima+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 33 kae ko te aofaki ne fakamau i te matakāiga o Efalaima e ‵tusa mo te toko 40,500.

34 A tino ne ‵tupu mai i a Manase+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 35 kae ko te aofaki ne fakamau i te matakāiga o Manase e ‵tusa mo te toko 32,200.

36 A tino ne ‵tupu mai i a Peniamina+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 37 kae ko te aofaki ne fakamau i te matakāiga o Peniamina e ‵tusa mo te toko 35,400.

38 A tino ne ‵tupu mai i a Tanu+ ne tusi olotou igoa i olotou kāiga, mo kāiga i olotou tamana. A tāgata katoa mai te 20  tausaga o fano ki luga kolā ko mafai o ‵kau ki te kautau ne lau katoa, 39 kae ko te aofaki ne fakamau i te matakāiga o Tanu e ‵tusa mo te toko 62,700.

40 A tino ne ‵tupu mai i a Asela+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 41 kae ko te aofaki ne fakamau i te matakāiga o Asela e ‵tusa mo te toko 41,500.

42 A tino ne ‵tupu mai i a Nafatali+ ne tusi olotou igoa i olotou kāiga, mo kāiga i olotou tamana. A tāgata katoa mai te 20 tausaga o fano ki luga kolā ko mafai o ‵kau ki te kautau ne lau katoa, 43 kae ko te aofaki ne fakamau i te matakāiga o Nafatali e ‵tusa mo te toko 53,400.

44 A latou konei ne fakamau olotou igoa ne Mose mo Alona mo takitaki e toko 12 o Isalaelu, e sui mai ne latou taki tokotasi olotou kāiga i olotou tamana. 45 A tino Isalaelu katoa mai te 20 tausaga o fano ki luga kolā ko mafai o ‵kau ki te kautau i Isalaelu, ne fakamau olotou igoa i kāiga i olotou tamana, 46 kae ko te aofaki kātoa kolā ne fakamau e ‵tusa mo te toko 603,550.+

47 Kae ko tino Levi+ ne seki fakamau olotou igoa fakatasi mo latou i matakāiga o olotou tamana.+ 48 Tenā ne fai atu ei a Ieova ki a Mose: 49 “Ko te matakāiga fua o Levi e se ‵tau o fakamau ne koe ki lalo, kae e se ‵tau foki o aofia ne koe te lotou aofaki i tino Isalaelu.+ 50 E ‵tau o ‵tofi ne koe a tino Levi ke pule i te faleie tapu o te Feagaiga+ mo meāfale katoa i loto i ei mo mea katoa o te faleie.+ Ka amo ne latou te faleie tapu mo ana meāfale katoa,+ kae ka tavini atu latou i loto i ei,+ kae e ‵tau o ‵nofo fakatamilo latou i tua o te faleie tapu.+ 51 I so se taimi e ‵tau ei o fakagasue te faleie tapu, e ‵tau o ‵tala ne tino Levi ki lalo;+ kae kafai e ‵tau o toe fakatu aka te faleie tapu, e ‵tau o fakatu aka ne tino Levi; kae ko so se tino* e fakapilipili atu ki ei e ‵tau o tamate.+

52 “E ‵tau o faka‵tu aka ne tino Isalaelu taki tokotasi olotou faleie i te koga telā ko oti ne ‵tofi ki ei, ko tāgata taki tokotasi i te koga e ‵nofo i ei olotou matakāiga e tolu+ e ‵tusa mo olotou potukau.* 53 Kae ko tino Levi e ‵tau o ‵nofo fakatamilo i tua o te faleie tapu o te Feagaiga, ko te mea ke seai se mea masei e tupu ki te fakapotopotoga o tino Isalaelu;+ kae e ‵tau mo tino Levi o tausi atu ki te faleie tapu o te Feagaiga.”+

54 Ne fai ne tino Isalaelu a mea katoa ne fakatonu atu ne Ieova ki a Mose. Ne fai eiloa ne latou a mea konā.