Te Muamua Nofoaiga Tupu

26 Tenei te vaevaega o tino tausi mataloa:+ mai tino Kola, ko Meselemia+ te tama tagata a Kole mai tama tāgata a Asafo. 2 Kae ko Meselemia e isi ne ana tama tāgata: ko Sakalia te toekimua, Ietiaelu te tokolua, Sepatia te tokotolu, Ietanielu te tokofa, 3 Elama te tokolima, Ieoananu te tokoono, Elionai te tokofitu. 4 Kae ko Opeta-etoma e isi ne ana tama tāgata: ko Semaia te toekimua, Ieosepata te tokolua, Ioaha te tokotolu, Saka te tokofa, Netanelu te tokolima, 5 Amielu te tokoono, Isakala te tokofitu mo Peuletai te tokovalu; me ne fakamanuia a ia ne te Atua.

6 E isi foki ne tama tāgata a tena tama tagata ko Semaia kolā ne fa‵nau kae ne fai pelā me ne pule o kāiga i olotou tamana, me i a latou ne tāgata ‵mafi kae fakatuagagina. 7 A tama tāgata a Semaia: ko Otini, Lefaelu, Opeta mo Elisapata; kae ko ana taina ko Eliu mo Semakia ne tāgata fakatuagagina foki. 8 A latou katoa konei ko tama tāgata a Opeta-etoma; a latou mo olotou tama tāgata mo olotou taina ne tāgata fakatuagagina kae taulia ke fai te taviniga, e toko 62 mai te kāiga o Opeta-etoma. 9 Kae ko Meselemia+ e isi ne ana tama tāgata mo ana taina, e toko 18 latou, ne tāgata fakatuagagina. 10 Kae ko Hosa mai tama tāgata a Melali e isi ne ana tama tāgata. A Similai ko te takitaki, faitalia me i a ia e se ko te toekimua, ne fakasopo a ia ne tena tamana ke fai mo takitaki, 11 Hilikia ko te tokolua, Tepalia ko te tokotolu, Sakalia ko te tokofa. A tama tāgata mo taina katoa o Hosa e toko 13.

12 Mai te vaevaega tenei o tino tausi mataloa, e isi ne tiute o takitaki e pelā eiloa mo mea e fai ne olotou taina, ke tavini atu i te fale o Ieova. 13 Ne fai ne latou a te vili+ i kāiga fo‵liki mo kāiga ‵lasi o olotou tamana, mō mataloa kese‵kese o te fakai. 14 Tenā ne tu atu ei te vili ki te feitu ki saegala ki a Selemia. Kae mō tena tama tagata ko Sakalia, se tagata poto i te fakatonutonu, ne fai ne latou tena vili kae tu atu ki te feitu ki mātū. 15 Ne maua ne Opeta-etoma te feitu ki saute, kae ne tuku atu ki ana tama tāgata+ a fale ‵teu koloa. 16 Ne maua ne Supima mo Hosa+ a te feitu ki togala, e pili ki te Mataloa o Salekata i tafa o te auala lasi telā e fanaka ki luga, a te potukau leoleo e tasi e fakafesagai atu ki te suā potukau leoleo; 17 e tokoono a tino Levi i te feitu ki saegala; i te feitu ki mātū e tokofa i te aso, kae ki te feitu ki saute e tokofa i te aso; kae taki tokolua i fale ‵teu koloa;+ 18 kae mō te fakaosoga i te feitu ki togala, e tokofa i te auala lasi+ kae tokolua i te fakaosoga. 19 Konei a vaevaega o tino tausi mataloa mai i tino i te matakāiga o Kola mo te matakāiga o Melali.

20 Kae ko nisi tino Levi, ko Aita te pule o potu ‵teu koloa i te fale o te Atua tonu mo potu e ‵teu i ei a mea ko oti ne fakatapu.+ 21 A tama tāgata a Latana: telā ko tama tāgata a tino Kelesona mai i a Latana, ko ulu o kāiga i olotou tamana mai i a Latana te tino Kelesona, e aofia i ei a Iehieli+ 22 kae ko tama tāgata a Iehieli ko Setama mo tena taina ko Ioelu. Ko lāua e pule i potu ‵teu koloa i te fale o Ieova.+ 23 Mai tino Amalamo, tino Isala, tino Hepelona mo tino Usieli,+ 24 a Sepuelu te tama tagata a Kelesoma te tama tagata a Mose ko te takitaki telā e pule i fale ‵teu koloa. 25 Kae ko ana taina kolā ne ‵tupu mai i a Eliesa,+ ko Lehapaia,+ Iesaia, Iolamo, Sikeli mo Selomota. 26 A Selomota tenei fakatasi mo ana taina e pule i potu e ‵teu ei a mea katoa ko oti ne fakatapu,+ kolā ne fakatapu ne te Tupu ko Tavita,+ ulu o kāiga i olotou tamana,+ takitaki o taki tokoafe mo taki tokoselau mo takitaki o te kautau. 27 Ne fakatapu ne latou a mea ne maua mai i te taua+ ke tausi faka‵lei ki ei a te fale o Ieova; 28 e pelā foki mo mea katoa kolā ne fakatapu ne Samuelu te tagata e lavea ne ia a fakaasiga,+ Saulo te tama tagata a Kiso, Apinelu+ te tama tagata a Nelu mo Ioapo+ te tama tagata a Seluia.+ So se mea ne fakatapu ne se tino ne tuku atu ke tausi ne Selomita mo ana taina.

29 Mai i tino Isala,+ ne ‵tofi aka a Kenania mo ana tama tāgata ke fai ne latou a tiute i tua o te fale o te Atua e pelā me ne ofisa mo famasino+ o Isalaelu.

30 Mai tino Hepelona,+ ne tuku atu ki a Hasapaia mo ana kāiga, e toko 1,700 tāgata fakatuagagina, ke onoono ki te pulepulega o Isalaelu i te kogā koga ki togala o te Iolitana mo galuega katoa a Ieova mo te taviniga ki te tupu. 31 Mai i tino Hepelona, a Ielaia+ ko te ulu o te kāiga o tino Hepelona kolā ne ‵tupu mai i kāiga o olotou tamana. I te 40 tausaga o te pulega+ a Tavita, ne ‵sala a tāgata a Tavita ki tāgata ‵mafi kae fakatuagagina kae ne maua ne latou a tāgata penā i Iaseli+ i Kileata. 32 A te aofaki o ana taina e toko 2,700 tāgata fakatuagagina, ko ulu o kāiga i olotou tamana. Tenā ne ‵tofi aka ei latou ne te Tupu ko Tavita ke pule ki tino Leupena, tino Kato, mo te āfa o te matakāiga o Manase, mo mea katoa e uiga ki te Atua tonu mo mea a te tupu.