Salamo

65 Te Atua, a vikiga e fakatalitali atu ki a koe i Siona;+

Ka ‵togi atu ne matou omotou tautoga ki a koe.+

 3 Aku mea ‵se ko fai ei au ke manavase malosi,+

Kae e fakamagalo ne koe omotou amioga solitulafono.+

 4 E fiafia a te tino telā e filifili kae fakapilipili mai ne koe

Ke nofo i ou koga ateatea.+

Ka lotoma‵lie matou ki te aga‵lei i tou fale,+

Ko tou faletapu ‵malu.*+

 5 Ka tali mai koe ki a matou i au faifaiga fakaofoofogia+ o te amiotonu,

E te Atua o te motou fakaolataga;

A koe ko te Faka‵naga o tino katoa i te lalolagi+

 6 Ne faka‵mautakitaki ne koe* a mauga i tou ‵mana;

A koe* ne pei ki te malosi.+

 7 E fakafilemu aka ne koe* a te tai sou,+

Ko peipeiga o olotou galu mo te ‵numi valevale o atufenua.+

 8 A tino e ‵nofo i koga ‵mao ka ofo i au fakailoga;+

Ka fai ne koe a latou kolā e ‵nofo i te feitu ki saegala ke oko ki te feitu ki togala ke ka‵laga fia‵fia.

 9 E tausi atu koe ki te lalolagi,

Mai te faiga ke ‵fua kae maumea malosi.+

A te tamā vaitafe mai te Atua e ‵fonu i vai;

E fakatoka ne koe a saito mō latou,+

Me tenā te auala ne fakatoka ei ne koe a te lalolagi.

10 E fakasiusiu ne koe a laina o fakatugā one kolā e ‵toki ki ei a fuaga kae fakalaugatasi ana laukele kolā ko oti ne fakamalū;

E fakamalū ne koe ki vaiua kae fakamanuia ne koe te auala e ola ei.+

11 Ne fakamanuia ne koe te tausaga ki tou aga‵lei e pelā me fakafou atu ki se kalauna;

A ou auala e ‵fonu i mea e uke.+

12 A laukele moukuā o te koga lavaki e ‵fonu faeloa,+

Kae ko tamā mauga e fakapei ki te fiafia.+

13 A laukele moukuā e ufi eiloa ki lafu mamoe,

Kae ko vanu* e fola eiloa ki saito.+