Isaia

37 I te logoga a te Tupu ko Hesekia i te mea tenei, ne saesae ne ia ana gatu kae pei ki gatu lautaga kae fanatu ki loto i te fale o Ieova.+ 2 Tenā ne uga atu ei ne ia a Eliakimo, te pule o te kaufale,* Sepina te failautusi, mo toeaina mai i faitaulaga, kolā e ‵pei ki gatu lautaga, ki te pelofeta ko Isaia,+ te tama tagata a Amota. 3 Ne fai atu latou ki a ia: “Konei a pati a Hesekia ne fai mai, ‘A te aso nei se aso o te puapuaga, polopolokiga ‵mafa,* mo te masiasi; me i tama‵liki ko toka ke fa‵nau,* kae ko seai se malosi ke mafai o fanau.+ 4 E se taumate ka lagona ne Ieova tou Atua a pati a te tagata ave ipu uaina,* telā ne uga mai ne tena aliki ko te tupu o Asulia ke fakaitaita ei te Atua ola,+ kae ka taui atu eiloa ne ia ki a ia ona ko pati konā ne lagona ne Ieova tou Atua. Tela la, fai atu se ‵talo+ mō te ‵toega o tino kolā ne ‵sao.’”+

5 Tenā ne olo atu ei a tavini a te Tupu ko Hesekia ki a Isaia,+ 6 kae ne fai atu a Isaia ki a latou: “Konei a pati e ‵tau o fai atu ne koutou ki te otou aliki, ‘Konei a pati ne fai mai ne Ieova: “Sa ma‵taku+ i pati ne lagona ne koutou, ko pati sē ‵tau ne fai ne tavini a te tupu o Asulia+ ki a au. 7 Tenei ka tuku ne au se manatu ki tena mafaufau, kae ka logo a ia i se lipoti kae toe foki ki tena fenua;+ kae ka fai ne au a ia ke takavale i te pelu i tena fenua eiloa.”’”+

8 I te logoga a te tagata ave ipu uaina i te tupu o Asulia ko fano kea‵tea mai Lakisa, ne toe foki atu a ia ki tou tagata kae maua atu a ia e taua ki Lipina.+ 9 Ne logo te tupu e uiga ki te tupu o Aitiope ko Tilaka: “Ko vau a ia o taua atu ki a koe.” I tena logoga i te mea tenei, ne toe uga atu ne ia a avefekau ki a Hesekia,+ ana muna: 10 “Konei a pati e ‵tau o fai ne koutou ki te tupu o Iuta ko Hesekia, ‘Sa talia ne koe a tou Atua telā e talitonu koe ki ei ke faka‵se ne ia koe i ana pati: “A Ielusalema ka se tuku atu ki lima o te tupu o Asulia.”+ 11 Kiloke! Ko oti ne ‵logo koutou i mea ne fai ne tupu o Asulia ki fenua katoa kae fakaseai atu a latou.+ E a, ko koutou fua ka ‵sao i ei? 12 E mata, ne faka‵sao latou ne atua o nisi fenua kolā ne ‵ta fakapalele ne oku tupuga?+ Kofea a Kosana, Halana,+ Lisefa, mo tino o Etena kolā ne ‵nofo i Telasa? 13 Tefea te tupu o Hamata, te tupu o Apaata, mo te tupu o fakai o Sefavaima,+ mo Hena mo Ivaa?’”

14 Ne puke ne Hesekia a tusi mai lima o avefekau kae faitau ne ia. Tenā ne fanatu ei a Hesekia ki te fale o Ieova kae ‵fola atu a tusi konā i mua o Ieova.+ 15 Kae ne kamata a Hesekia o ‵talo atu i mua o Ieova,+ ana muna: 16 “Ieova o kautau,+ te Atua o Isalaelu, e sagasaga i te nofogaaliki mai luga* o kelupi, ko koe tokotasi eiloa te Atua tonu o malo katoa o te lalolagi. Ne faite ne koe a te lagi mo te lalolagi. 17 Tuku mai ou taliga e Ieova, kae fakalogo mai!+ ‵Pula mai ou mata, e Ieova, ke lavea ne koe!+ Fakalogo mai ki pati katoa ne aumai ne Sanelivi ke fakaitaita ei te Atua ola.+ 18 Se mea tonu e Ieova, me ko oti ne fakamasei ne tupu o Asulia a fenua katoa+ e pelā foki mo olotou laukele. 19 Kae ne ‵pei ne latou olotou atua ki loto i te afi,+ me i mea konā e se ne atua kae ko galuega ne fai ki lima o te tagata+ mai lakau mo fatu. Tenā te pogai ne mafai ei o fakaseai ne latou a mea konā. 20 Kae nei la, e Ieova te motou Atua, faka‵sao mai matou mai i ana lima, ko te mea ke iloa ne malo katoa o te lalolagi i a koe ko te Atua fua e tokotasi, e Ieova.”+

21 Tenā ne avatu ei ne Isaia te tama tagata a Amota a te fekau tenei ki a Hesekia: “Konei a pati ne fai mai ne Ieova te Atua o Isalaelu, ‘Ona ko koe ne ‵talo mai ki a au e uiga ki te tupu o Asulia ko Sanelivi,+ 22 konei a pati a Ieova ne fai o ‵teke atu ki tou tagata:

“A te tamafine ‵ma o Siona e takalialia ki a koe, e fakatauemu atu ki a koe.

A te tama fafine o Ielusalema e lūlū tena ulu ki a koe.

23 Ko oi ne fakaitaita ne koe+ kae fai a pati sē ‵tau ki ei?

Ko te Atua Tapu o Isalaelu!+

Ka ‵kati ne au ki lalo ana alasi ma‵luga, ana lakau ko iunipa tafasili i te ‵lei.

Ka fanatu au ki ana toe koga ma‵luga, ki ana togavao matolu‵tolu.

26 A koe e seki logo? Ko leva ne fakaiku aka te mea tenei mai i aso mua eiloa.

Mai i aso ko ‵teka ne fakatoka ei ne au te mea tenei.+

Nei la, ka fakataunu eiloa ne au.+

Ka ‵fuli ne koutou a fakai e ‵pui faka‵lei ke fai pelā me ne fakaputuga kaiga.+

30 “‘Kae tenei te fakailoga mō koe:* I te tausaga nei a koe ka kai ki mea kolā ne ola aka eiloa i a latou;* kae i te lua o tausaga, a koe ka kai ki fuaga kolā ne ola mai i mea konā; kae i te tolu o tausaga ka ‵toki au fuaga kae tau ne koe, kae ka ‵toki ne koe a togavine kae kai ki olotou fuataga.+ 31 A tino mai i te kāiga o Iuta kolā ne ‵sao, ko latou kolā ne ‵toe mai,+ ka ‵mau olotou aka e pelā me ne lakau kae ka fua mai olotou fuataga. 32 Me ka isi se ‵toega ka o‵mai ki tua mo Ielusalema mo tino kolā ne ‵sao mai i te Mauga o Siona.+ A te loto finafinau o Ieova o kautau ka fai ne ia te mea tenei.+

33 “‘Tela la, konei a pati a Ieova ne fai e uiga ki te tupu o Asulia:+

35 ‘Ka ‵pulu+ kae fakasao ne au te fakai tenei ona ko au+

Kae ona foki ko taku tavini ko Tavita.’”+

36 Kae ne fanatu te agelu a Ieova kae ‵ta ne ia te toko 185,000 tāgata i te koga e ‵nofo ei te kautau a Asulia. I te taimi ne ‵tu aka ei a tino i te tafataeao ‵malu, ne lavea ne latou a foitino ‵mate katoa.+ 37 Tenā ne fano ei a te tupu o Asulia ko Sanelivi kae toe foki ki Nineva+ o nofo i ei.+ 38 Kae i te taimi ne ifo ei a ia i te fale* o tena atua ko Nisiloka, ne tamate a ia ne ana tama tāgata ko Atameleko mo Salesa ki te pelu+ kae ‵tele ki te fenua ko Alalata+ ke ‵sao lāua. Kae ko tena tama tagata ko Esalatonu+ ne fai mo tupu e sui ei a ia.