Iopu
12 Tenā ne tali atu ei a Iopu:
2 “E tonu, a koutou ko tino kolā e iloa ne koutou,*
Kae ko te poto ka ‵mate fakatasi atu mo koutou!
3 Kae ko au foki e isi soku malamalama.*
Au e se malalo ifo i a koutou.
Ko oi e se iloa ne ia a mea konei?
4 Au ko fai pelā me se mea fai fa‵kata a oku taugasoa,+
Ko te tino telā e kalaga ki te Atua ke maua mai i ei se tali.+
A te tino amiotonu kae amio ‵lei ko fai pelā me se mea fai fa‵kata.
5 A te tino e seai ne ana fakalavelave e kilo fakatauemu ki puapuaga,
Kae mafaufau me e ‵tupu fua ki a latou kolā e se ‵mautakitaki* olotou vae.
6 A faleie o tino kai‵soa e filemu,+
Kae ko latou kolā ne fakaitaita atu ki te Atua e tokagamalie,+
Ko latou kolā e puke olotou atua i olotou lima.
7 Kae fakamolemole, fesili atu ki manu kae ka akoako ne latou a koe;
E pelā foki mo manu eva o te lagi, kae ka fai atu ne latou ki a koe.
8 Io me mafaufau faka‵lei* ki te laukele, kae ka akoako ne ia koe;
Kae ko ika o te tai ka folafola atu ne latou ki a koe.
9 Ko oi mai mea katoa konei e se iloa ne ia
Me ko te lima o Ieova ne fai ne ia te mea tenei?
12 E a, e se maua a te poto i tino ma‵tua,+
Kae e a, e se ‵mai tasi a te malamalama mo te ola loa?
14 Kafai e ofa ne ia se mea ki lalo, e se mafai o toe faite;+
A te mea ko oti ne ‵pono ne ia, e seai se tagata e mafai o ‵tala ne ia.
15 Kafai e taofi ne ia a vai, ko ‵masa ei a mea katoa;+
Kafai ko ‵tala mai ne ia, ko ‵fonu ei te lalolagi.+
16 E maua i a ia te malosi mo te poto;+
I a ia te tino telā ko takasēsē mo te tino e takitaki ‵se ne ia a tino;
17 E fai ne ia a tino fakatonutonu ke olo e seai ne olotou taka,*
Kae fakavalevale ne ia a famasino.+
18 E ‵tala ne ia a saisaiga ne fai ne tupu,+
Kae ‵sai ne ia se fusi i olotou taugasulu.
19 E fai ne ia a faitaulaga ke sa‵sale kae seai ne olotou taka,+
Kae fakatakavale ne ia a latou kolā ko oti ne faka‵mautakitaki olotou pulega;+
20 E tapale kea‵tea ne ia a pati mai tino fakatonutonu kolā e fakatuagagina
Kae ave kea‵tea te mafaufau ‵lei o tāgata ma‵tua;*
21 E ‵ligi ne ia a fakatauemuga ki luga i tino tāua,+
Kae fai ne ia tino ma‵losi ke vāi‵vai;*
22 E fakaasi ne ia a mea ‵loto o te pouliga,+
Kae aumai ne ia te pouli tagataga ki te mainaga;
23 E fai ne ia a atufenua ke gasolo o ma‵losi ko te mea ke fakaseai atu latou;
E faka‵lasi ne ia a atufenua, ko te mea ke ave fakapagota ne ia latou.