LŌMIGA MŌ SUKESUKEGA

A te Malo faka-Mesia ko te mea faigaluega telā e fakaaoga ne Ieova ke fakataunu a tena fuafuaga e uiga ki te lalolagi mo tino. I te sautala o tatou ki te auala e tau atu ei a nāi feagaiga kolā ne taku mai i te Tusi Tapu ki te malo o te lagi, mafaufau me kaia e mafai ei o ‵mautakitaki ‵tou loto talitonu ki te Malo.

Ka faipati te mataupu tenei ki fakaakoakoga mua mo fakaakoakoga fakamuli nei o tino kolā ne tavini ki a Ieova. Ka fakamalosi aka i ei a ‵tou loto fakafetai ki te tauliaga ko maua ne tatou ke ga‵lue fakatasi mo ‵tou Atua, se mea telā e ‵tau o fakatāua malosi

I aso fakaoti konei, e uke a mea faiga‵ta e tofotofo aka ei ‵tou fakatuanaki. Ne a mea e mafai o tauloto ne tatou mai i tāgata fakamaoni kolā ne fe‵paki mo mea faiga‵ta e tai ‵pau, pelā mo Apelaamo mo Mose? Ka fesoasoani mai a te mataupu tenei ke kufaki tatou mai te fakamalosiga o tatou ke tuku faeloa ‵tou mafaufau ki a Ieova te Atua mo tena Malo.