Fakasologa o Mataupu

E tokouke a tino i aso nei e manava‵se o ‵sala atu ki se taliaga mai te lalolagi masei tenei. Ka fakamatala mai i te mataupu tenei a te pogai e ‵tau ei mo tatou o tumau i te ‵kilo tonu atu ke maua te ‵toe taliaga sili—ko te taliaga telā e tuku mai ne Ieova ki ana tavini fakamaoni. Ka sau‵tala foki tatou ki te auala e fakaasi mai ne Ieova a te mea tenei, i nisi taimi kolā e seki fakamoemoegina.

I te mataupu tenei, ka suke‵suke tatou ki te pogai ne galo atu ei i te tagata fakamaoni ko Mose a te tauliaga ke ulu atu ki te Fenua o te Folafolaga. Ka fesoasoani mai foki ke lavea ne tatou a te auala e mafai o ‵kalo keatea tatou mai te tosina atu ki te malei telā ne maleigina i ei a Mose.

Ko Ieova fua e isi sena aiā ki luga i tino katoa. Tela la, e manako a ia ko tino ke tapuaki katoatoa atu ki a ia. Kae ko nisi tino ne seki faka‵logo ki a ia kae fakafoliga atu fua me i a latou e fakamaoni ki te Atua. I te mataupu muamua, ka onoono tatou ki akoakoga tāua e maua mai tala i tala i te Tusi Tapu e uiga ki a Kaino, Solomona, Mose mo Alona. I te mataupu i te lua, ka sau‵tala tatou ki nisi auala kolā e mafai o fakaasi atu ne tatou te loto fakafetai mō te tauliaga ke fai mo ana tino.