Fesili i te Akoga mō Tino Talai

Ka fai a fesili i te Akoga mō Tino Talai i te vaiaso e kamata i a Aokuso 29, 2011.

1. E fai pefea a te alofa tumau o te Atua e pelā me “e silia atu tena _lei i te ola”? (Sala. 63:3) [w01 1/11 itu. 11, pala. 17]

2. Se a te mea e fakaasi mai ne te Salamo mataupu e 70 e uiga ki a Tavita? [w08 1/9, itu. 10 pala. 4]

3. Se a te mea e fakaasi mai i te Salamo 75:5 ke fakaeteete tatou i ei? [w06 1/8 itu. 19, pala. 3]

4. Se a te taimi e fakamoe‵moe tatou me ka fakalogologo malosi mai eiloa a Ieova ki ‵tou ‵talo? (Sala. 79:9) [w06 1/8 itu. 20 pala. 5]

5. Ne a mea “‵funa” kolā e faipati ki ei a te Salamo 90:7, 8? [w01 1/12 itu. 10-11, pala. 14-16]

6. E pelā mo te mea e fakaasi mai i te Salamo 92:12-15, se a te tiute tāua telā e tuku atu ki tino ma‵tua i te fakapotopotoga? [w04 1/6 itu. 11-12, pala. 14-18]

7. I te tusiga o pati i te Salamo 102:25-27, e mata, ko ‵teke atu ei a te faisalamo ki te fakataunuga o te fuafuaga tumau a te Atua ki te lalolagi? (Kene. 1:28) [w91 1/4 itu. 28 pala. 2]

8. Se a te akoakoga e maua ne tatou mai i te Salamo 106:7 e uiga ki te fakatamala o fakagalue aka a te loto malamalama? [w01 1/5 itu. 13 pala. 1; itu. 18, pala. 23]

9. E ‵tusa mo te Salamo 110:1, 4, se a te tautoga ne fai ne Ieova e uiga ki te Fanau telā ne folafola mai, io me ko te Mesia, kae ne iku atu pefea a te mea tenei ki te fakamanuiaga o tino katoa? [w06 1/9 itu. 30 pala. 1; w07 1/1 itu. 23 pala. 6]

10. Ne fakamalosi aka pefea a te faisalamo ona ko te mafaufau ‵loto ki mea aoga o tena tavini atu ki te Atua? (Sala. 116:12, 14) [w09 1/7 itu. 30. pala. 4, 5]