“Ofo Atu se Mekesini Mua io me ko so se Polosiua Telā e Fiafia Malosi ki ei te Tino”

I masina kolā e ofo atu ei ne tatou a te tusi ko te Akoakoga a te Tusi Tapu kae taumafai ke kamata se akoga i te asiga muamua, e fakamalosi mai ke “ofo atu se mekesini mua io me ko so se polosiua telā e fiafia malosi ki ei te tino” i so se fale telā ko oti ne maua ne latou a te tusi kae e se talia ne latou se akoga faka-te-Tusi Tapu. Kaia?

A polosiua mo mekesini mua e aofia i ei a mataupu kese‵kese kolā e fetaui ‵lei. E mafai o isi se mea i mekesini konā e mafai o pokotia i ei a te loto o te tino i te fale. Tela la, kafai e fakatoka tau ato talai, ke aofia i ei a polosiua kese‵kese mo mekesini mua. Kafai e seai ne au mekesini mua, kāti e mafai o maua ne koe mai i te koga tausi mekesini. Kae kafai te tino i te fale ko isi sena tusi ko te Akoakoga a te Tusi Tapu kae e se talia ne ia se akoga faka-te-Tusi Tapu, e mafai o fakaasi atu ne koe ki a ia a nisi mekesini io me ko polosiua kolā e nofo mo koe kae ‵kami atu ki a ia ke onoono me se a te mea e fiafia malosi a ia ki ei. Tela la, fai a fakatokaga ke toe foki atu koe o ati aka tena fiafia. Kāti ka iku atu eiloa ki te faiga o se akoga faka-te-Tusi Tapu.