Te Vaiaso e Kamata i a Oketopa po 5

TE VAIASO E KAMATA I A NOVEMA PO 5

Te Pese e 115 mo te ‵Talo

□ Sukesukega a te Fakapotopotoga ki te Tusi Tapu:

bh mata. 17 ¶1-8 (30 minu.)

□ Te Akoga mō Tino Talai:

Faitauga ki te Tusi Tapu: Ioelu 1-3 (10 minu.)

Napa 1: Ioelu 2:17-27 (4 minu. io me mu‵tana ifo)

Napa 2: Ne a Auala Aoga e Mafai ei o Fakagalue Aka ne Tatou te Faataoto 22:3? (5 minu.)

Napa 3: Te Taua a te Atua ke Fakagata ei Amioga Ma‵sei​—td 3A (5 minu.)

□ Te Fakatasiga mō te Galuega Talai:

Te Pese e 86

10 minu: A Fāfine Kolā e Fakasalalau Atu te Tala ‵Lei se Kautau Lasi Eiloa. (Sala. 68:11) Se sau‵talaga telā e fakavae ki te 2012 Yearbook, te itulau e 117, te palakalafa e 2, ki te itulau e 118, te palakalafa e 2; mo te itulau e 130, te palakalafa e 1, ki te itulau e 131, te palakalafa e 2. ‵Kami atu te kautaina ke taku mai ne latou a akoakoga tāua ne maua ne latou.

10 minu: Manakoga o te fakapotopotoga.

10 minu: Manatu mō te Ofoatuga o Mekesini i a Novema. Se sau‵talaga. Ke fakaaoga se 30 ki se 60 sekone ke fakaasi atu te pogai ka gali ei te mekesini ki te koga talai. Mai te fakaaogaga o mataupu kamata o Te Faleleoleo Maluga, ‵kami atu te kautaina ke tuku mai ne manatu fesoasoani e uiga ki se fesili ke fakaaoga, penā foki loa mo manatu fesoasoani ki se tusi siki ke faitau. Ke fai foki penā ki se isi mataupu aka i te mekesini. Ke fai se fakaasiga ki te auala e mafai ei o ofo atu te mekesini.

Te Pese e 105 mo te ‵Talo