Pati Fakatomua Fesoasoani

Faleleoleo Maluga Oketopa 1

“E tali‵tonu a tino e tokouke me ka fakamasino ne te Atua a latou i se aso e tasi e ‵tusa mo olotou faifaiga. E mata, e mafaufau koe me i te Aso Fakamasino se mea telā e ‵tau o olioli ki ei io me e ma‵taku i ei? [Faka‵tali ki se tali.] Onoono la me ne a fakamatalaga e fai mai i konei.” Ke tuku atu ki te tino i te fale a te Faleleoleo Maluga i a Oketopa 1, kae mafau‵fau fakatasi ki te mataupu mai lalo i te ulutala foliki muamua i te itulau e 16 mo se tusi faitau e tasi. Ke ofo atu a mekesini, kae fakatoka ke toe foki atu ke sau‵tala ki te suā fesili.

Faleleoleo Maluga Novema 1

“Ko āsi mai māua ona ko te mea e manava‵se a tino e tokouke ki te gasoloakaga o faifaiga ‵loi i mea tau pisinisi mo te malo. E a, e mafaufau koe me e mafai o faka‵lei aka te fakalavelave tenei? [Faka‵tali ki se tali.] Onoono aka la ki te fakamatalaga tenei e uiga loa ki faifaiga a Iesu ki tino kolā e pokotia i faifaiga ‵loi konei. [Faitau te Salamo 72:12-14.] E fakaasi mai i te mekesini tenei me ko pili o gata atu a faifaiga ‵loi konei.”