Pati Fakatomua Fesoasoani

Faleleoleo Maluga Mati 1

“E mata, e mafaufau koe me e isi se fakapotopotoga a te Atua i aso nei, io me e mafaufau koe me e fesokotaki atu fua a ia ki tino taki tokotasi? [Faka‵tali ki se tali.] Onoono aka ki te mea telā e fai mai i konei e uiga ki tino kolā ne fakatoka faka‵lei ne te Atua e pelā me se fakapotopotoga i tausaga e uke ko ‵teka.” Ke ‵suke ki te itulau e 30 kae mafau‵fau fakatasi ki te mataupu mai lalo i te ulutala foliki muamua mo se tusi siki e tasi. Ke ofo atu te mekesini, kae fakatoka ke toe foki atu o sau‵tala ki te suā fesili.

Faleleoleo Maluga Apelila 1

“E uke a lotu mo potukau fo‵liki kolā e kese‵kese olotou talitonuga mo faifaiga. Se a tau faka‵tau e fai a tino katoa, kolā e fai mai i a latou ne Kelisiano, me ne Kelisiano ‵tonu eiloa? [Faka‵tali ki se tali.] E pelā mo pati a Iesu, tenei eiloa a te fakailoga e iloa ei a Kelisiano ‵tonu. [Faitau te Ioane 13:34, 35.] E fakamatala mai i te mekesini tenei a fakamatalaga e lima a Iesu kolā e fesoasoani mai ke iloa ne tātou ana soko ‵tonu.”