Faka‵pulaga

◼ Tusi kolā ka ofo atu i te masina o Fepuali: Ke fakaaoga so se polosiua telā e 32 a itulau i ei. Ke Matapula‵pula Koutou!, Te Malo Telā ka Aumai ei te Palataiso, Kafai ko Mate Sou Tino Pele, Agaga o Tino ‵Mate-E mafai ne Latou o Fesoasoani Atu ki a Koe io me Fakapakia Atu ki a Koe? E Ola Tonu Latou? Mati mo Apelila: Ko mekesini ko Te Faleleoleo Maluga mo te Awake! Kafai e fai a toe asiga, ke kamata ki te tusi ko te Akoakoga Mai te Tusi Tapu io me tuku atu loa ki te manakoga o te tino māfai e lei ki a ia ke fakaaoga te polosiua ko te Fakalogo ki te Atua io me ko te Fakalogo ki te Atua ko te Mea ke Ola Koe ki te Se-Gata-Mai, kae taumafai ke kamata se Akoga Faka-te-Tusi Tapu. Me mo Iuni: Ke fakaaoga a tamā pepa konei: Fakamafanafanaga mō Tino Loto Māfatia, Ke Fia‵fia ki te Olaga Faka-te-Kāiga, Ko Pili o Palele Atu, E Mata, e Fia Iloa ne Koe te Mea Tonu? Kafai e lavea ne koe me fiafia te tino i te fale ko ofo atu ei ne koe se akoga faka-te-Tusi Tapu mai i te fakaaogaga o te tusi ko te Akoakoga a te Tusi Tapu.

◼ I te kamataga o te 2013, ko ‵tau o fakaaoga ne failauga katoa i te Fakamanatuga a te lāuga fou o te Fakamanatuga. I te tausaga tenei a te matua o te lāuga ko te: “Ke Fakaasi Atu me Fakatāua ne Koe a te Mea ne Fai ne Keliso mō Koe!”

◼ A te lāuga fakapito mō tino katoa i te vaitaimi o te Fakamanatuga mō te 2013 e fakaulutala penei: “E Mata, e Gata Atu a Mea Katoa i te Mate?”