Te Fakasologa mō te Vaiaso i a Mati po 4

TE VAIASO E KAMATA I A MATI PO 4

Te Pese e 62 mo te ‵Talo

□ Sukesukega a te Fakapotopotoga ki te Tusi Tapu:

bt mata. 3 ¶12-18 (30 minu.)

□ Te Akoga mō Tino Talai:

Faitauga ki te Tusi Tapu: Maleko 9-12 (10 minu.)

Napa 1: Maleko 11:19–12:11 (4 minu. io me mu‵tana ifo)

Napa 2: Kaia e ‵Tau ei o Kauga Tatou ki Tino ‵Poto?​—lv mata. 3 pala. 1-3 (5 minu.)

Napa 3: Te Pogai e Iku Atu ei ki te Fiafia a te Tukuatuga o Koe Eiloa ki te Atua​—Galuega 20:35 (5 minu.)

□ Te Fakatasiga mō te Galuega Talai:

Te Pese e 7

10 minu: Manatu mō te Ofoatuga o Mekesini i a Mati. Se sau‵talaga. Ke ‵kami atu te kautaina ke fai mai ne olotou manatu ki fesili konei: I fakaotiga o vaiaso kolā e tufa ei a pepa ‵kami, ne a nisi pogai ka ofo atu foki ei ne koe a mekesini? Ne a au pati e mafai o fai atu ke fakamafuli ei tau fakamatalaga mai i te pepa ‵kami ki mekesini? E tiga eiloa e aofia i pati fakatomua fesoasoani a te fesili mo se tusi siki, kae e mafai pefea o fakatoetoe aka au pati fakatomua? Ke fai se fakaasiga ki te auala e mafai ei o ofo atu a mekesini fakatasi mo te pepa ‵kami.

10 minu: Ke Maua a Mea Aoga Mai te Ke Sukesuke ki te Tusi Tapu i Aso Katoa​—2013. Se sau‵talaga. Ke mafaufau malie aka ki te tusi siki mō te tausaga telā e maua i te itulau e 3-4 mo “Te Auala e Fakaaoga ei te Tamā Tusi Tenei,” i te itulau e 5. Ko ‵kami atu ei te kautaina ke taku mai a taimi ne fakatoka ne latou ko te mea ke mafai o mafau‵fau ki te tusi siki mo te auala ne aoga ei ki a latou a te fakatokaga tenei. Ke fakaoti atu mai te fakamalosi atu ki te kautaina kātoa ke mafau‵fau ki te tusi siki i aso takitasi.

10 minu: Manakoga o te Fakapotopotoga.

Te Pese e 119 mo te ‵Talo.