Pati Fakatomua Fesoasoani

Ke Kamata a A‵koga Faka-te-Tusi Tapu i te Aso Ono Muamua i a Tesema

“E āsi mai matou o fesoasoani atu ki kāiga. E ma‵nako loa te tokoukega o mātua ke a‵lofa olotou tamaliki ki te Atua. E mata, e mafaufau koe me tenei eiloa te auala ke akoako ne mātua olotou tamaliki, io me e ‵tau eiloa mo tamaliki o tauloto ke iloa ne latou o a‵lofa ki te Atua?” Faka‵tali ki se tali. Ko fakaasi atu ei te ‵kava mai tua o te Faleleoleo Maluga i a Tesema 1, kae ke onoono fakatasi ki manatu mai lalo o te fesili muamua kae ke faitau atu se tusi faitau e tasi. Ofo atu te mekesini, kae fai ne fakatokaga ke toe āsi atu ke sau‵tala ki te suā fesili.

Te Faleleoleo Maluga Tesema 1

“E āsi mai eiloa matou ke sau‵tala loa e uiga ki te Atua. E iloa ne matou me e kese‵kese a kilokiloga a tino e uiga ki te Atua. E mata, e mafaufau aka te tokoukega o tino e uiga ki te Atua e pelā me se tino e se alofa io me se taugasoa telā e alofa kae atafai? [Faka‵tali ki se tali.] E fakaasi mai loa i te fuaiupu tenei i te Tusi Tapu a te vaegā fesokotakiga telā e manako a te Atua ke maua ne tatou. [Ko faitau atu ei te Iakopo 4:8a.] E fakamatala mai i te mekesini tenei a mea e tolu kolā e mafai o fai ne tatou ke fakapilipili atu ki te Atua.”