‵Kami Mai a Tino Katoa i te Otou Koga Talai ki te Fakamanatuga!

I te taimi e fai ei te galuega telā e kamata mai i a Fepuali 27, ka ‵kami ne tatou a tino e tokouke e mafai ne tatou i te ‵tou fenua ke fakamanatu fakatasi ne tatou a te Fakamanatuga o te mate o Keliso. E ‵tau foki o ‵saga tonu atu tatou ki so se tino fiafia ko te mea ke fakamalosi aka ne tatou.

MEA KE MAFAUFAU KI EI

FAI AU PATI FAKATOMUA

“E tufatufa atu ne matou a te pepa ‵kami tenei ki se aso fakamanatu tāua ‵ki. I a Mati po 23, e lau i miliona o tino i te lalolagi ka maopoopo fakatasi o fakamanatu a te mate o Iesu Keliso kae fakalogo‵logo ki se lāuga faka-te-Tusi Tapu sē ‵togi e uiga ki te aoga o tena mate ki a tatou. E fakaasi mai i te pepa ‵kami tenei a te taimi mo te koga e fai ei te fakatasiga tenei i ‵tou fa‵kai. Fakamolemole, koe ke vau māfai e mafai.”

Kafai e fakaasi mai ne te tino a te fiafia . . .

• OFO ATU A TE FALELEOLEO MALUGA

  Fakatoka se fakavae mō te toe asiga.

• FAKAASI ATU A TE VITIO KO TE MEMORIAL

  Fakatoka se fakavae mō te toe asiga.

Kafai ko toe foki atu koe, e mafai ne koe o . . .

• FAKAASI ATU A TE VITIO KO TE KAIA E ‵TAU EI O SUKESUKE KI TE TUSI TAPU?

  Ko ofo atu ei se tusi faka-te-Tusi Tapu.

• OFO ATU TE NE A MEA E AKOAKO ‵TONU MAI I TE TUSI TAPU?

  Ke fakaasi atu a fakamatalaga e uiga ki te Fakamanatuga, mai te fakaaogaga o te itulau e 206-208. Ko ofo atu ei te tusi.

• OFO ATU TE FAKALOGO KI TE ATUA

  Sau‵tala ki te uiga o te mate o Keliso, mai te fakaaogaga o te itulau e 18-19. Ko ofo atu ei te polosiua.