E Mafai o Maua ne Koe a Fakamanuiaga Se-Gata-Mai Mai te Atua Alofa

• E a, e manako koe ki se lalolagi telā ko saoloto mai i taua, fakasauaga, mo kinauga?

• E olioli koe ki te taimi ka seai ei ne masaki, logo‵maega mo te mate?

• E a, e fia saoloto koe mai te sōna manavase?

• E a, e olioli koe ke ola i se koga telā e se fakamaseigina ne fakalavelave o te natula?

A te ‵tou Atua alofa, telā ko te Mafuaga o te ‵tou paneta gali tenei, ne tauto mai me ka fakamanuia ne ia a tino ki se olaga filemu kae fiafia ki te se-gata-mai. A te mea tenei se mea tonu.

I mataupu konei ka ‵soko mai, ka sau‵tala eiloa tatou ki:

• Lagonaga o te ‵tou Mafuaga ki tino

• Te fekau ne fakaasi mai ne te Atua i tena Muna tusia ki a tatou

• Fakamanuiaga a te Atua kolā ne fakaasi mai ne ia e auala i ana pelofeta

• Mea e mafai ne tatou o fai ke fia‵fia i te taimi nei kae ke maua a fakamanuiaga se-gata-mai a te Atua i aso mai mua

Ke na suke‵suke tatou ki mea ne fai ne te Atua mō tino ona ko tena alofa.