Ke Momea Aka Faeloa ‵Tou Atamai i Te Galuega Talai​—Ke Oko Atu ki te Loto o te Tino Mai te Fakaaoga o te “Ke Tumau i te Alofa o te Atua’”

TE POGAI E TĀUA I EI: E ‵tau o tauloto ne tino a tulaga a Ieova kae fakagalue ne latou ko te mea ke talia olotou tapuakiga. (Isa 2:3, 4) A te tusi ko te “Alofa o te Atua”, ko te lua o tusi mo fai akoga, ka fesoasoani atu ki tino a‵koga faka-te-Tusi Tapu ke iloa ne latou i fakatakitakiga mai te Atua e fesoasoani atu ki olotou olaga i aso takitasi. (Epe 5:14) E taumafai tatou ke oko atu ki olotou loto i taimi e akoako ei ne tatou latou ko te mea ke maua ne latou se kilokiloga tonu ki ‵fuliga e fai i olotou olaga.​—Lo 6:17.

TE AUALA KE FAI I EI:

• Fakatoka faka‵lei, ke masaua a mea kolā e manakogina ke galue ki ei tau tino akoga. Fai a fesili kolā e mafai ei o fakaasi mai olotou mafaufauga mo lagonaga e uiga ki te mataupu.​—Fat 20:5; be–E 259

• Ke sau‵tala ki pokisi katoa i loto te tusi, ke fesoasoani atu ki te tino akoga ke lavea ne ia a te tāua ke fakagalue a fakatakitakiga i te Tusi Tapu

• Fesoasoani atu ki tau tino akoga ke fakaaoga tena loto lagona, e se ‵tau o fai ne koe a fakaikuga mō tau tino akoga.​—Ka 6:5

• I se auala atamai ke onoono me ne a fakatakitakiga i te Tusi Tapu e manakogina ke fakagalue ne te tino akoga. Fakamalosi atu mo te atafai ke fai ne ia a ‵fuliga i tena olaga mai tena alofa ki a Ieova (Fat 27:11; Ioa 14:31)