Manatu Fesoasoani mō Sukesukega

Auala ke Maua a Fakama‵fuliga ki ‵Tou Mainaga ‵Fou

Se tauliaga gali eiloa ke ola tatou i te taimi telā ko fakamalamalama malielie mai ne Ieova a mea i te Tusi Tapu i lō aso mua. (Tani. 12:4) Kae ui ei, e mafai o faigata ke fai‵tau ki fakama‵fuliga ki mainaga ‵fou ki te munatonu mai te Tusi Tapu. E maua ne tatou i fea a fakama‵fuliga mo fakamatalaga konei?

• A te ulutala i te Watch Tower Publications Index ko te “Beliefs Clarified” e maua i ei te fakasologa o fakama‵fuliga i tausaga takitasi. Ke maua te fakasologa o ulutala konā, taipa te “understanding clarified” (e aofia i ei a quotation marks) i te pokisi ‵sala o te Watchtower Library io me ko te Watchtower ONLINE LIBRARY^™.

• E maua i te Research Guide for Jehovah’s Witnesses se fakasologa o mataupu telā e tai toetoe. Fano ki te “Jehovah’s Witnesses,” oti i ei ko fano ki “Views and Beliefs,” mo te “Clarification of Our Beliefs.”

Kaia e se fili ei se fakamafuliga fakamuli nei mo fai se mataupu ke sukesuke koe ki ei ke iloa atu te ‵tou mainaga fou ki ei mo pogai faka-te-Tusi Tapu ne fai ei te fakamafuliga tenā?