E1
Te Fekau i te Tusi Tapu
E maua eiloa ne Ieova te Atua a te aiā ke pule mai. A te auala e pule mai ei a ia ko te ‵toe auala ‵lei. Ka fakataunu eiloa tena fuafuaga mō te lalolagi mo tino.
Mai tua o te 4026 T.L.M. Ne fakafesili ne “te gata” a te aiā o Ieova ke pule mai mo te auala e pule mai ei a ia. E folafola mai a Ieova me ka fakatu aka ne ia se “tama,” io me se “fanau,” telā ka tuki palapala fakamuli ne ia a te gata, ko Satani. (Kenese 3:1-5, 15, fakamatalaga mai lalo) Kae ne talia ne Ieova se vaitaimi ke pule atu a tino ki a latou eiloa mai lalo o te fakamalosiga a te gata. |
1943 T.L.M. Ne fai atu a Ieova ki a Apelaamo me ka tupu mai i a ia a te “tama” telā ne folafola mai.—Kenese 22:18. |
Mai tua o te 1070 T.L.M. Ne fakatalitonu atu ne Ieova ki te Tupu ko Tavita kae fakamuli ifo ki tena tama ko Solomona me ka vau a te “tama” telā ne folafola mai i te lotou gafa.—2 Samuelu 7:12, 16; 1 Tupu 9:3-5; Isaia 9:6, 7. |
29 T.A. Ne fakasino atu a Ieova ki a Iesu e pelā me ko te “tama” telā ne folafola mai kae ko te Sui ki te nofogaaliki o Tavita.—Kalatia 3:16; Luka 1:31-33; 3:21, 22. |
33 T.A. Ne fakapakia malie ne te gata, ko Satani, a te “tama” telā ne folafola mai e auala i te tamatega o Iesu. Ne fakatu aka ne Ieova a Iesu ki te ola i te lagi kae talia ne ia te tāua o te ola ‵lei katoatoa o Iesu, kae ne tuku mai i ei se fakavae ke fakamagalo a agasala kae ke tuku atu foki te ola se-gata-mai ki tino e ‵tupu mai i a Atamu.—Kenese 3:15; Galuega 2:32-36; 1 Kolinito 15:21, 22. |
Kāti i te 1914 T.A. Ne ‵pei ifo ne Iesu a te gata, ko Satani, ki te lalolagi, telā ko tausi ei a ia i konā mō se taimi toetoe.—Fakaasiga 12:7-9, 12. |
Aso mai mua Ka ‵loka ne Iesu a Satani mō se 1,000 tausaga kae fakaseai fakamuli atu a ia, mai te tuki palapala o tena ulu i se auala fakatusa. Ka fakataunu mai i ei a te fuafuaga muamua a Ieova mō te lalolagi mo tino, ka faka‵ma i ei tena igoa mai taku fakamaseiga, kae ka faka‵malugina te auala e pule mai ei a ia.—Fakaasiga 20:1-3, 10; 21:3, 4. |