Se Lalolagi e ‵Fonu i Fakalavelave—Ne a Au Mea e Mafai o Fai?
E a, e mafaufau koe me ko sili atu nei tou pokotia i fakalavelave masani o te lalolagi i lō aso mua? E mata, ko fepaki koe i te koga e nofo koe i ei mo se mea e tasi mai i mea kolā e fakasolo atu mai lalo nei?
taua
masaki ‵pisi
fakalavelave o te natula
mativa
fakailoga tino
amioga solitulafono kae fakasaua
Kafai ko tupu se fakalavelave, a tino kolā e pokotia i ei e mafai o ‵poi e aunoa mo se fakamoemoega. E maua ne nisi tino a lagonaga ‵poi kae ko se iloa o fai se mea māfai ko ‵tupu a mea faiga‵ta. Kae kafai ko fepaki mo se fakalavelave, a te nofo mo lagonaga ‵poi mō se taimi leva, e mafai fua o fai ei ke momea aka te masei o te tulaga tenā.
I te taimi ko tu poloki eiloa i ei a fakalavelave, e ‵tau o gasuesue koe mo te poto ke puipui faka‵lei ou tino pele, tou ola ‵lei, au tupe, mo tou fiafia.
Ne a au mea e mafai o fai ke fakafeoloolo aka ei tou pokotia masei i fakalavelave o te lalolagi tenei?