Ko oi te Atua Tonu?

E tokotasi fua te Atua tonu, kae ko tena igoa ko Ieova. (Salamo 83:18) E nofo a ia i te lagi kae e se mafai o matea ne tatou. E alofa a ia ki a tatou kae e manako foki ke a‵lofa atu tatou ki a ia. E manako foki a ia ke a‵lofa tatou ki nisi tino. (Mataio 22:35-40) A ia ko te ‵toe tino maluga eiloa telā ne faite ne ia a mea katoa.

A te mea muamua a te Atua ne faite se tino malosi ‵ki faka-te-agaga telā ne lauiloa fakamuli e pelā me ko Iesu Keliso. Ne faite foki ne Ieova a agelu.

Ne faite ne Ieova a mea katoa i te lagi . . . mo te lalolagi. Fakaasiga 4:11

Ne faite ne Ieova a fetu, mo te lalolagi mo mea katoa i luga i ei.—Kenese 1:1.

Ne faite ne ia a Atamu, te tagata muamua, mai te ‵pefu o te laukele.—Kenese 2:7.