KAMATAGA O SE SAU‵TALAGA
MATAUPU 1
Ke Fiafia Tonu ki Tino
Fakatakitakiga: “A te alofa . . . e se salasala ki mea mō tena ‵lei eiloa.”—1 Koli. 13:4, 5.
Mea ne Fai ne Iesu
1. Onoono ki te VITIO, io me faitau te Ioane 4:6-9. Kae mafaufau ki fesili konei mai lalo:
a. Se a te mea ne lavea ne Iesu i te fafine, koi tuai o kamata te sau‵talaga?
e. Ne fai atu a Iesu: “Aumai aka ne vai ke inu au.” Kaia ne fai te mea tenei mo fai se auala magoi ke kamata se sau‵talaga?
Se a te Mea e Tauloto ne Tatou Mai i a Iesu?
2. E mafai eiloa o iku atu ki se sau‵talaga gali mafai e kamata te sau‵talaga ki se mataupu telā e fiafia ki ei te suā tino.
Fakaakoako ki a Iesu
3. Ke ‵fuligofie. Ke mo a e taumafai koe o kamata faeloa a sau‵talaga ki se mataupu telā ne fakatoka koe ke faipati ki ei. Ke kamata ki mea kolā e mafaufau ki ei a nisi tino i te aso tena. Fesili ifo:
‘Ne a tala fakamuli nei?’
‘Ne a mea e fai‵pati ki ei oku tuakoi, tino galue tasi mo au io me ko tamaliki i te akoga?’
4. Ke onoono faka‵lei. Fesili ifo ki a koe:
a. ‘Se a te tulaga o te tino tena? Ne a mea kāti e mafaufau ki ei a ia?’
e. ‘Ne a mea e fakaasi mai ne gatu, foliga io me ko te fale o te tino tena e uiga ki ana talitonuga io me ko ana tuu mo aganuu?’
i. ‘E mata, ko te taimi ‵lei tena ke faipati atu ki te tino?’
5. Fakalogologo.
a. Sa fakaukeuke au pati e fai.
e. Fakamalosi suā tino ke fakaasi mai ana manatu. Kafai e ‵lei, fai atu ne fesili.