Tali Ki Fesili Mai Te Tusi Tapu
Kaia e ‵talo atu ei tatou ke oko mai te Malo o te Atua?
E mata, e fia iloa ne koe a mea tai uke atu e uiga ki te Malo o te Atua mo ana mea ka fai?
A te Malo o te Atua se pulega faka-te-lagi. Ne fai atu a Iesu ki ana soko ke ‵talo atu mō te malo me e mafai ne ia o toe fakafoki mai te amiotonu mo te filemu ki te lalolagi. A te Malo o te Atua e mafai o fakaseai katoatoa ne ia a amioga fakasaua, faifaiga sē fakamaoni mo masaki, ko fakalavelave kolā e se mafai o fakaseai ne malo o tāgata. Ne fili ne te Atua tena Tama ko Iesu ke fai mo Tupu i tena Malo. Ne filifili foki ne Ieova se potukau o soko o Iesu ke mafai o pule fakatasi mai mo Iesu i tena Malo.—Faitau te Luka 11:2; 22:28-30.
Ko pili fua nei o ave kea‵tea ne te Malo o te Atua a tino kolā e ‵teke atu ki pulega a te Atua. Tela la, a te ‵talo atu ke oko mai te Malo o te Atua se fakamolemole ke na sui ne ia a malo katoa o tāgata.—Faitau te Tanielu 7:13, 14; Fakaasiga 11:15, 18.
Kaia e aoga ei te Malo o te Atua ki tino?
A Iesu se Tupu ‵lei ona ko te mea e loto alofa a ia. E pelā me ko te Tama a te Atua, e maua ne ia te malosi ke fesoasoani atu ki a latou katoa kolā e ma‵nako ki se fesoasoani.—Faitau te Salamo 72:8, 12-14.
Ka tuku mai ne te Malo o te Atua a mea aoga ki tino katoa kolā e ‵talo kae ola e ‵tusa mo te loto o te Atua. Ka se mafai eiloa koe o salamō māfai e tauloto ki te Tusi Tapu e uiga ki te Malo o te Atua.—Faitau te Luka 18:16, 17; Ioane 4:23.