Pati e Mafai o Fai Atu e Uiga ki Mekesini

Te Faleleoleo Maluga Apelila 1

“E iloa ne te tokoukega o tino me e isi se tulafono i tulafono e sefulu i te Tusi Tapu e fai mai i ei ke sa kaisoa. Se a tau faka‵tau, e mata, e mafai o tumau i te fakamaoni i taimi katoa, e tiga eiloa e fepaki koe mo tulaga faiga‵ta i mea tau tupe? [Faka‵tali ki se tali.] E mafaufau a nisi tino me e isi ne fakanofonofoga kolâ ko mafai ei o sē fakamaoni se tino. E faka‵mafa mai i te mataupu tenei a te mea tenei kae e tuku mai foki i ei a manatu fesoasoani aoga kolâ e fakavae ki te Tusi Tapu.” Ke fakaasi atu a te mataupu telâ e kamata i te itulau e 21.

Te Faleleoleo Maluga Me 1

“Kafai e fesili atu ke taku mai se tagata telâ ne uke ana mea aoga ne fai ki olaga o tino, a te tokoukega ka tali mai me ko Iesu. E mata, ka filifili ne koe a ia? [Faka‵tali ki se tali.] Ke mafau‵fau ki te pogai e ‵tau ei mo tatou o onoono ki manatu ‵teke e uiga ki a ia ko te mea ke tauloto ne tatou te mea tonu e uiga ki a ia. [Faitau te Ioane 17:3] E fakaasi mai i te lomiga fakapito tenei o Te Faleleoleo Maluga a pati a te Tusi Tapu e uiga ki a Iesu mo ana akoakoga.”