Pati e Mafai o Fai Atu e Uiga ki Mekesini

Te Faleleoleo Maluga Mati 1

“Moi ne iloa ne te Atua me ka agasala kae ‵mate a Atamu mo Eva, ko tino muamua ne faite ne ia, kae e se fai ne ia se mea ke taofi aka ei lāua, se a te mea ko fakaasi mai ne ia e uiga ki a ia? [Faka‵tali ki se tali.] Mafaufau la ki te fakamatalaga a te Tusi Tapu e uiga ki mea ne faite ne te Atua, e aofia i ei a tino. [Faitau te Kenese 1:31.] Ona ko te mea e fai a tino katoa mo fai a tamaliki a te tagata mo te fafine muamua, se mea tāua ke iloa ne tatou me e mata, ne iloa ne te Atua me ka fai penei ‵tou olaga io me ikai.” Ke fakaaoga te mataupu i te itulau e 11 o te mekesini.

Te Faleleoleo Maluga Apelila 1

“E lauiloa a Molimau a Ieova i te lotou galuega talai. Kai mafaufau aka eiloa koe me se a te pogai e fai ei ne tatou a te galuega tenei? [Faka‵tali ki se tali.] Mafaufau ki te fakamatalaga tenei. [Faitau te Mataio 24:14.] E tali mai ne te mekesini tenei a fesili konei: Se a te tala ‵lei? Se a te Malo? Kae se a te gataga telā ko pili mai?”