The Bible—Its Power in Your Life
Ko oti ne fesoasoani atu te Tusi Tapu ki te fia miliona o tino ke ‵fuli olotou olaga mō te ‵lei. Ne a nisi fakatakitakiga i te Tusi Tapu, kolā kafai e fakagalue ne tatou, ka fesoasoani mai ei ke fakafesagai atu tatou ki fakalavelave i aso nei? E seai eiloa se fakalotolotolua me ka fiafia koe o ‵sala atu a te tali ki te fesili tenei mai te onoono ki The Bible—Its Power in Your Life, te lua o vitio mai i vitio e tolu kolā e maua i te DVD ko The Bible—A Book of Fact and Prophecy. Kafai ko oti ne onoono koe ki te ata tenei, e mata, e mafai ne koe o tali mai a fesili konei?
(1) E sili atu pefea te Tusi Tapu i lō so se isi tusi faitau? (Epe. 4:12) (2) Kafai e mafai ne te Tusi Tapu o fesoasoani atu ki te faka‵leiga o olaga o tino, kaia la e uke katoa ei penei a fakalavelave o tino? (3) Se a te matua fakavae o te Tusi Tapu? (4) Ne a tusi siki i te Tusi Tapu kolā e fesoasoani atu ki taki tauavaga (a) ke momea aka te ‵lei o olotou fesokotakiga mo te (e) ke mafai o pule faka‵lei atu ki te kaitaua? (5) E ‵fuli pefea ne te kilokiloga faka-Kelisiano e uiga ki te fakaipoipoga a te ‵lei o te olaga faka-te-kāiga? (Efe. 5:28, 29) (6) Ne tuku mai pefea ne Ieova se fakaakoakoga ‵lei mō matua? (Male. 1:9-11) (7) E mafai pefea o fai ne mātua ke ‵gali a sukesukega a te kāiga? (8) I tafa o te akoga faka-te-Tusi Tapu, se a te suā mea e fakamalosi aka ne te Muna a te Atua ke tuku atu ne mātua ki olotou tama‵liki? (9) E fesoasoani atu pefea a pati fakatonutonu i te Tusi Tapu ke iloa ne kāiga o fakasoasoa faka‵lei a olotou tupe? (10) Ne a akoakoga fakavae i te Tusi Tapu e uiga ki te ‵tu ‵mā, te fakaaogaga ‵se o vailakau tapu mo meainu ma‵losi, mo te loto mafatia, kolā ka fesoasoani mai ke fakamu‵tana aka ei a fakalavelave ki ‵tou ola ‵lei māfai e tau‵tali atu ki ei? (11) Ne a folafolaga i te Tusi Tapu kolā e mafai o fesoasoani mai ki a tatou? (Iopu 33:25; Sala. 145:16) (12) E fesoasoani mai pefea a akoakoga mai i te Tusi Tapu ke momea aka te ‵lei o tou olaga totino? (13) E fakaaoga pefea ne koe a te vitio tenei ke fesoasoani atu ki nisi tino?